आता महिलांनाही पुरुषांच्या बरोबरीने मजुरी मिळणार, पंतप्रधान मोदींनी दिला पिळवणूक करणाऱ्यांना कडक इशारा

आता महिलांनाही पुरुषांच्या बरोबरीने मजुरी मिळणार, पंतप्रधान मोदींनी दिला पिळवणूक करणाऱ्यांना कडक इशारा

केंद्र सरकारने कामगार कायद्यामध्ये मोठे बदल केले आहेत. 44 कायद्यांमध्ये बदल करत चार श्रम संहिता (Labour Code) तयार केल्या आहेत.

  • Share this:

मनाली 03 ऑक्टोबर: पंतप्रधान नरेंद्र मोदी (PM Narendra Modi) यांनी नव्या कामगार कायद्यातल्या सुधारणांचा हवाला देत महिलांनाही (Women)  आता पुरुषांच्या बरोबरीनेच मजुरी मिळणार असल्याचा पुनरुच्चार केला आहे. हिमाचल प्रदेशातल्या रोहतांग इथं केलेल्या भाषणात त्यांनी पिळवणूक करणाऱ्यांनाही इशाराही दिला. पंतप्रधान म्हणाले, महिलांना प्रगती करण्यापासून आता कुणीही रोखू शकणार नाही. सरकारने महिलांच्या विकासाच्या अनेक योजना मंजुर केलेल्या आहेत असंही त्यांनी सांगितलं.

केंद्र सरकारने कामगार कायद्यामध्ये मोठे बदल केले आहेत. 44 कायद्यांमध्ये बदल करत चार श्रम संहिता (Labour Code) तयार केल्या आहेत. त्याच बरोबर 12 कायदे रद्द करण्यात आले आहेत. सरकारने केलेल्या या बदलांचं उद्योगांनी स्वागत केलं आहे तर कामगार संघटनांनी त्याचा विरोध केला आहे.

हिमाचल प्रदेशमधल्या मनाली इथे शनिवारी पंतप्रधान नरेंद्र मोदी यांच्या हस्ते अटल रोहतांग बोगद्याचं  (Atal Rohtang Tunnel) उद्घाटन झाले. या कार्यक्रमानंतर पंतप्रधानांचं भाषण सुरू असतांनाच एका महिला पोलीस कर्मचाऱ्याला चक्कर आली. पंतप्रधानांचं त्याकडे लक्ष जाताच त्यांनी आपलं भाषण मध्ये थांबवत महिला पोलिसाला खुर्चीवर बसविण्यास सांगितले. आणि आपल्या सोबत आलेल्या डॉक्टरांच्या पथकाला उपचार करण्याची सूचना केली. यानंतर त्यांनी पुन्हा आपलं भाषण सुरू केलं.

कामाच्या ताणामुळे त्यांना चक्कर आली असावी असा अंदाज डॉक्टरांनी व्यक्त केला आहे. आता त्यांची प्रकृती चांगली असल्याचेही त्यांनी सांगितले.

हा बोगदा म्हणजे केवळ बोगदा नसून हिमालयातील इतक्या उंच ठिकाणी अस्तित्वात आलेलं एक स्वप्नच आहे असं सजलं जातं. लाहौल खोऱ्याला जीवनदान देणारा असा बोगदा तयार करता येऊ शकेल असा कुणी विचारही केला नसेल.

आतापर्यंत थंडीचे 6 महिने होणाऱ्या बर्फवृष्टीमुळे लाहौलच्या परिसराचा देशाशी संपर्क तुटलेला असायचा. पण आता या बोगद्यामुळे हा भाग देशाशी 12 महिने संपर्कात राहणार आहे.

Published by: Ajay Kautikwar
First published: October 3, 2020, 5:36 PM IST

ताज्या बातम्या

corona virus btn
corona virus btn
Loading