बाळगंगा धरण घोटाळ्यात अजित पवारांना क्लीनचिट नाहीच

21 जून : बाळगंगा धरण गैरव्यवहारप्रकरणी अजित पवार अडचणीत येण्याची शक्यता आहे. कारण एसीबीने यासंबंधी ईडीला पाठवलेल्या अहवालात गैरव्यवहार झाल्याचं नमूद करण्यात आलंय. धरणाच्या बांधकामात कंत्राटदारांनी वाढ करून शासनाचं तब्बल 92 कोटींचं नुकसान केल्याचा ठपका ठेवण्यात आलाय. अजित पवारांच्या काळातच हा घोटाळा झाल्याचा आरोप आहे.

ठाणे एसीबीमार्फत या गुन्ह्याचा तपास सुरू आहे. याच बाळगंगा धरण गैरव्यवहाराचा अहवाल ईडीने मागून घेतला होता.त्यावरच एसीबीने आज उत्तर सादर केलंय. 6 जलसंपदा अधिकारी आणि 4 ठेकेदारांसह 11 जणांवर या प्रकरणी गुन्हा दाखल आहे.

बाळगंगा धरण घोटाळा

काय आहेत आरोप ?

• रायगड जिल्ह्यातल्या बाळगंगा धरण 500 कोटीचा बाळगंगा धरण प्रकल्प याप्रकरणी एकूण 10 जणांना अटक करण्यात आली होती.
Loading...
• नंतर त्यांची जामिनावर मुक्तता करण्यात आली.
• अटक झालेल्यांमध्ये पाटबंधारे विभागाचे सहा तत्कालीन वरिष्ठ अधिकारी आणि चार कंत्राटदारांचा समावेश होता.
• या धरण प्रकरणी चुकीचे टेंडर देणे , ठेकेदारांना लाभ होईल अशा पद्धतीन निविदा या सगळ्या प्रकऱणी आरोपपत्र दाखल होती.
• याप्रकरणी अजित पवार आणि तत्कालिन पाटबंधारे मंत्री सुनील तटकरे यांच्याविरोधात ईडी आणि एसीबीकडे तक्रार दाखल करण्यात आली होती.
• यासंदर्भात ईडीने एसीबीला विचारणा केली होती की बाळगंगा प्रकरणात अजित पवारांना आपल्या विभआगानं क्लीन चीट दिली आहे का ?