S M L

News18 Exit Polls 2019 : काँग्रेसला झटका, नरेंद्र मोदींना मुस्लीम मतदारांची साथ

लोकसभा निवडणूक 2019 मध्येही केंद्रात मोदी सरकारच स्थापन व्हावं, यासाठी भाजपनं सर्व शक्ती पणाला लावली होती.

News18 Lokmat | Updated On: May 21, 2019 10:00 PM IST

News18 Exit Polls 2019 : काँग्रेसला झटका, नरेंद्र मोदींना मुस्लीम मतदारांची साथ

नवी दिल्ली, 21 मे : लोकसभा निवडणूक 2019 मध्येही केंद्रात मोदी सरकारच स्थापन व्हावं, यासाठी भाजपनं सर्व शक्ती पणाला लावली होती. पारंपरिक मतदार वगळता अन्य वर्गातील मतदारांनाही आपल्याकडे आकर्षित करण्यासाठी भाजपनं जराशीही कसर सोडली नाही. महत्त्वाचे म्हणजे यंदा भाजपच्या मुस्लीम मतदारांच्या टक्केवारीत वाढ झाल्याचं पाहायला मिळालं. लोकसभा निवडणूक 2019मध्ये भाजपच्या मुस्लीम मतदारांच्या संख्येत 12.2 टक्के एवढी वाढ झाली आहे. 'News18' आणि 'IPSOS' यांच्या Exit Pollमध्ये ही आकडेवारी समोर आलेली आहे. लोकसभा निवडणूक 2014मध्ये हीच संख्या 9 टक्के तर 2009च्या निवडणुकीत 4 टक्क्यांपर्यंत होती. यावरून, मुस्लीम मतदार मोठ्या उत्साहात मतदानासाठी घराबाहेर पडल्याचं दिसत आहे.

वाचा : ...म्हणून लोकसभा निवडणुकांचा निकाल लागणार उशिरा

पक्ष  वर्ष   -  मुस्लीम मतदारांची टक्केवारी


भाजप   2009     4 टक्के

भाजप  2014      9 टक्के

भाजप  2019    12.2 टक्के

Loading...

काँग्रेस आणि अन्य पक्षांची टक्केवारी

पक्ष            मुस्लीम मतदारांची टक्केवारी (वर्ष 2019)

काँग्रेस             30.3 टक्के

अन्य                57.05 टक्के

लोकसभा निवडणूक 2019 : इतिहासात सर्वाधिक 67 टक्के मतदान

लोकसभा निवडणूक 2019मधील सातही टप्प्यात मिळून सरासरी 67.11 टक्के मतदान झाले आहे. ही टक्केवारी आतापर्यंतची सर्वाधिक असल्याचं म्हटलं जात आहे. लोकसभा निवडणूक 2014मध्ये 66.40 टक्के मतदान झाले होते. तर 2009 च्या निवडणुकीत 56.9 टक्के मतदान झाले होते. 2014मध्ये 83.40 कोटी मतदार होते. यावेळी मतदारांची संख्या 90.99 कोटी एवढी होती.


वाचा :VIDEO : 'एक्झिट पोल'ने बिथरले विरोधक, बिहारच्या या नेत्याने दिली शस्त्र हातात घेण्याची धमकी


दरम्यान, 23 मे रोजी लोकसभा निवडणुकीचे निकाल स्पष्ट होणार आहेत. पण त्यापूर्वी आलेल्या  सर्वच एक्झिट पोलमध्ये भाजपप्रणीत राष्ट्रीय लोकशाही आघाडीला (NDA) सर्वाधिक जागा मिळण्याचा अंदाज व्यक्त करण्यात आला आहे. त्यामुळे फिर एक बार मोदी सरकार येणार असल्याचं चित्र दिसत आहे.


'नेटवर्क 18'च्या एक्झिट पोलनुसार आलेले अंदाज


पक्ष                     जागा (542)                       टक्केवारी


NDA                  336                                48.5 टक्के


भाजप                 276                                  39.6 टक्के


घटकपक्ष             60                                     8.9 टक्के


UPA                  82                                    25.0 टक्के


काँग्रेस                 46                                    18.8 टक्के


आघाडी               36                                    6.2 टक्के


अन्य                  124                                    26.5 टक्के


टीएमसी             38                                     4.5 टक्के


सपा                    10                                    2.1 टक्के


बसपा                  7                                      2.5 टक्के


टीआरएस            12                                    1.6 टक्के


बीजेडी                13                                    2.0 टक्के


YSRCP              13                                     1.9 टक्के


डावे                     12                                    2.6 टक्के


आप                       1                                    0.2 टक्के


टीडीपी                11                                    1.9 टक्के


अन्य                     7                                     7.2 टक्के


गेल्या निवडणुकीत खरे ठरले एक्झिट पोल

मागच्या लोकसभा निवडणुकीत जाहीर झालेले एक्झिट पोल पाहिले तर यामध्ये व्यक्त केलेले अंदाज खरे ठरले. जेव्हा निकाल आले तेव्हा भाजपला पूर्ण बहुमत मिळालं आणि एनडीए 336 जागा मिळवून विजयी झालं. काँग्रेसला फक्त 44 जागा मिळाल्या.

एवढा होता फरक

2014 च्या निवडणुकीत NDA ला 336 जागा मिळाल्या. भाजपला 282 जागा मिळाल्या. UPA ला 59 आणि काँग्रेसला 44 जागांवर समाधान मानावं लागलं.

हे सगळे सर्व्हे बघितले तर आपल्याला निकाल आणि एक्झिट पोलमध्ये किती फरक होता याचा अंदाज येईल.

न्यूज 24 चाणक्यने NDA ला 340 जागा मिळतील, असा अंदाज दिला होता. निकालामध्ये NDA ला 336 जागा मिळाल्या. याचा अर्थ या सर्व्हेपेक्षा NDA ला फक्त चार जागा कमी मिळाल्या.

टाइम्स नाउ ने NDA ला 249 आणि UPA ला 148 जागा दिल्या होत्या. टाइम्स नाउ ने NDA ला 87 जागा कमी दाखवल्या होत्या.

इंडिया टीव्ही ने NDA ला 289 जागा दाखवल्या होत्या. प्रत्यक्ष निकालापेक्षा त्या 47 ने कमी होत्या.

इंडिया टुडे ने NDA ला 272 जागा दिल्या होत्या. या प्रत्यक्ष निकालापेक्षा 64 ने कमी होत्या.

नेल्सन - एबीपी ने NDA ला 274 जागा दिल्या. या निकालापेक्षा 69 ने कमी होत्या.

2014 चे एक्झिट पोलमने वर्तवलेले अंदाज बहुतांशी खरे ठरे पण याआधी 2004 मध्ये आणि 2009 च्या निवडणुकांचे अंदाज मतदारांचा कौल जाणून घेण्यात अपयशी ठरले. एक्झिट पोलचे अंदाज पूर्णपणे चुकले ते 2004 मध्ये.

2004 मध्ये काय झालं ?

2004 साली बहुतांश एक्झिट पोलमध्ये अटलबिहारी वाजपेयी यांचं एनडीए सरकार येईल, अशी भविष्यवाणी झाली होती. पण त्यावेळी NDA ला 189 जागा मिळाल्या तर काँग्रेसच्या नेतृत्वाखाली UPA ला 222 जागा मिळाल्या. यावेळी मनमोहन सिंग पंतप्रधान झाले.

यानंतर 2009 मध्येही एक्झिट पोलचे अंदाज चुकीचे ठरले. यामध्ये यूपीएचा विजय होईल असे अंदाज होते पण काँग्रेसला 200 जागा मिळतील, असं कुणी म्हटलं नव्हतं. प्रत्यक्षात मात्र काँग्रेसला 206 जागा मिळाल्या तर यूपीएला 262 जागा मिळाल्या.

यावेळी लोकसभा निवडणुकीत NDA ला बहुमत मिळेल आणि पुन्हा एकदा मोदी सरकारच येईल, असा अंदाज आहे. आता या एक्झिट पोलचे आकडे आणि निकाल यात किती फरक पडतो हे पाहावं लागेल.


लोकसभा निवडणूक 2014 जागा 543


पक्ष             जागा       टक्केवारी


भाजप         282         31.04 टक्के


काँग्रेस        44           19.27 टक्के


एडीएमके   37           3.27 टक्के


टीएमसी     34            3.85 टक्के


बीजेडी       20            1.72 टक्के


शिवसेना    18             1.86 टक्के


टीडीपी       16           2.49 टक्के


अन्य           92          36.26 टक्के

VIDEO: आयफेल टॉवरवर चढणारा 'स्पायडर मॅन' ताब्यात

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: May 21, 2019 07:45 PM IST
Loading...

लोकप्रिय बातम्या

Live TV

News18 Lokmat
close