NEET 2020 Exam Result: आशिष जांते महाराष्ट्रात पहिला, शोएबने मारली देशात बाजी

नवी दिल्ली 16 ऑक्टोबर: कोरोनामुळे गाजलेल्या NEET 2020 परीक्षेचा निकाल जाहीर झाला आहे. ओडिशाच्या शोएब अफताब हा विद्यार्थी देशात पहिला आला असून त्याला 99.99 टक्के एवढे मार्क्स मिळाले आहेत. तर महाराष्ट्रात आशिष जांते पहिला आला आहे. आशिषलाही 99 टक्के मिळाले आहे. परीक्षेसाठी 15,97,435 एवढ्या विद्यार्थ्यांनी नाव नोंदणी केली होती. त्यातल्या 13,66,945 विद्यार्थ्यांनी परीक्षा दिली. तर 7,71,500 एवढे विद्यार्थी पास झालेत.

NEET cut-off 2020 असा आहे.

UR : 720-147

OBC : 146-113

SC : 146-113

ST : 146-113

UR/EWS &PH : 146-129

OBC & PH : 128-113

SC & PH : 128-113

ST & PH : 128-113

ही आहे पहिल्या टॉपर्सची यादी

कोरोनामुळे परीक्षा घ्याव्यात की नाही याची चर्चा सुरू असतानाच सुप्रीम कोर्टाने NEET आणि JEE परीक्षा पुढे ढकलण्याची मागणी फेटाळली होती. कोरोनाच्या काळामध्ये परीक्षा घेणे धोकादायक होऊ शकते त्यामुळे परीक्षा पुढे ढकलण्याची मागणी एका याचिकेत करण्यात आली होती.

Congratulations to Shoyeb Aftab of Odisha on becoming the all India topper of #NEET2020 by scoring a perfect 720/720.

The nation is proud of you, wish you all the best for many more successes ahead. pic.twitter.com/qj9IxdAYa6

— Baijayant Jay Panda (@PandaJay) October 16, 2020

मात्र आता परीक्षा घेताना सर्व काळजी घेतली जाईल असा दावा नॅशनल टेस्टिंग एजेंसीने कोर्टात केल्यानंतर परीक्षा पुढे ढकलण्याची मागणी फेटाळण्यात  आला आणि देशभर परीक्षा सुरळीत पार पडली.