तलावात साप तरी भाविक बिनधास्त करतात स्नान, या नागांच्या तलावाचा इतिहास माहितीये का?

शिखा श्रेया, प्रतिनिधी

रांची, 22 मार्च : असे म्हटले जाते की, जिथे महादेव असतात, तिथे नाग किंवा साप नसेल, असू होऊ शकत नाहीत. कारण महादेव स्वतः साप आपल्या गळ्यात गुंडाळून ठेवतात. म्हणूनच हिंदू धर्मात नाग देवता पाहणे अत्यंत शुभ आणि दुर्मिळ मानले जाते. विशेषत: महादेवाच्या मंदिराजवळ दिसला तर तो लोकांसाठी चमत्कारापेक्षा कमी नाही. पण, तुम्हाला हे जाणून आश्चर्य वाटेल की, रांचीच्या एका डोंगरावर एक असा तलाव आहे, ज्यामध्ये 15 ते 20 साप राहतात. यामुळे याला नाग तलाव असेही म्हणतात.

मंदिराच्या ट्रस्टीचे सदस्य रुडेश्वर यांनी न्यूज18 लोकलला सांगितले की, हा तलाव पुरातन काळापासूनचा आहे. तो किती जुना असेल, हे सांगणे कठीण आहे. पण त्याची खोली एवढी आहे की, आजतागायत कोणीही त्याला मोजू शकले नाही. अनेकांनी त्याचे मोजमाप करण्याचा प्रयत्न केला, परंतु केवळ अपयश आले. त्यात सापांचे वास्तव्य हे त्याचे वैशिष्ट्य आहे. लोकांनी 20 साप पाहिले असले तरीपण किमान 30 ते 40 साप सापडतील, असा अंदाज आहे.

रिक्षा ड्रायव्हरची कमाल! तयार केली इलेक्ट्रिक कार; सिंगल चार्जमध्ये कापते इतकं अंतर

साप कोणालाही चावत नाही -

रुद्रेश्वर सांगतात की, इतके नाग आहेत, पण आजपर्यंत एकालाही नाग चावला नाही. याच्या पुढे महादेवाचे मोठे मंदिर असल्याने त्यामुळे येथे भाविक येत असतात. विशेषत: या तलावाच्या पाण्याने हात-पाय धुतल्यानंतर ते कधी मंदिरात जातात किंवा कधी या तलावाच्या पाण्याने स्नान करतात, परंतु आजतागायत एकाही सापाने कुणालाही इजा केलेली नाही.

वाल्मिकीजींनी बनवला होता तलाव -

रुडेश्वर सांगतात की, वाल्मिकीजींनी या पर्वतावर बसून तपश्चर्या केली आणि त्यांच्या तपश्चर्येने येथे हा तलाव बांधला. या तलावाच्या पाण्याने ते आपली दैनंदिन कामे करत असत. वासुकी, तक्षक, कुलक, कर्कोटक, पद्म, शंख, चुड, महापद्म आणि धनंजय या आठ प्रकारचे मूळ प्रजातीचे साप याठिकाणी आढळतात.