मुकेश अंबानी झाले आजोबा; आकाश-श्लोका यांना पुत्ररत्न

फोर्ब्स मासिकाने भारतातील सर्वात श्रीमंत व्यक्तींची यादी जाहीर केली आहे. या यादीत रिलायन्स इंडस्ट्रीजचे (आरआय़एल) चेअरमन मुकेश अंबानी अग्रणी आहेत. फोर्ब्स इंडियाच्या भारतातील १०० श्रीमंत व्यक्तींच्या नावांमध्ये मुकेश अंबानी सलग ११ वर्ष प्रथम स्थानी आहेत. त्यांची एकूण संपत्ती ४७३० कोटी डॉलर (३.४० लाख कोटी) रुपये आहे.

मुकेश आणि नीता अंबानी (Mukesh Ambani neeta ambani) यांना घरातूनच मोठं प्रमोशन मिळालं आहे. अंबानींंच्या घरात नवा पाहुणा (baby boy )आला आहे.

  • Share this:
    मुंबई, 10 डिसेंबर : मुकेश आणि नीता अंबानी यांना एक मोठी गुडन्यूज घरातूनच मिळाली. त्यांचा मुलगा आकाश आणि सून श्लोका यांना पुत्ररत्न प्राप्त झालं आहे. गेल्या वर्षी मार्चमध्ये आकाश अंबानी आणि श्लोका मेहता यांचं धूमधडाक्यात लग्न झालं होतं. आता त्यांच्या घरी पाळणा हलला आहे. श्लोका यांनी मुंबईच्या रुग्णालयात मुलाला जन्म दिला. आई आणि मुलाची तब्येत उत्तम असल्याचं मुकेश अंबानी यांच्याकडून सांगण्यात आलं आहे. अंबानी परिवारातर्फे जाहीर करण्यात आलेल्या निवेदनात म्हटलं आहे की, श्लोक आणि आकाश अंबानी हे आज आई-बाबा झाले आहेत. मुकेश आणि नीता अंबानी यांना पहिल्यांदाच आजी-आजोबा म्हणून बढती मिळाली आहे. "धीरुभाई आणि कोकिलाबेन अंबानी यांच्या नातवाचं परिवारात स्वागत आहे. या नव्या पाहुण्याच्या येण्यामुळे अंबानी आणि मेहता कुटुंबीय अत्यंत आनंदी आहेत", असं या निवेदनात म्हटलं आहे.
    Published by:अरुंधती रानडे जोशी
    First published: