पहिल्यांदा स्टेअरिंग घेतलं हातात तेच ठरलं अखेरचं, गाडी दरीत कोसळून जागीच मृत्यू

पहिल्यांदा स्टेअरिंग घेतलं हातात तेच ठरलं अखेरचं, गाडी दरीत कोसळून जागीच मृत्यू

पहिल्यांदा गाडी चालवायला गेला 24 वर्षीय तरुण, गिअर टाकताच दरीत कोसळली गाडी; जागीच मृत्यू.

  • Share this:

मंडी, 25 नोव्हेंबर : हिमाचल प्रदेशच्या मंडी जिल्ह्यात एक भयंकर अपघात घडला. आयुष्यात पहिल्यांदा हातात स्टेअरिंग घेतलं तेच जीवाशी आलं. गाडी शिकण्याच्या नादात एका तरुणाचा मृत्यू झाला. मंडी जिल्ह्यात 24 वर्षीय तरूण गाडी चालवणं शिकत असताना चालक प्रशिक्षण वाहनाचा ताबा सुटला. वाहनाचा ताबा सुटल्यानं प्रशिक्षकालाही गाडी सांभाळता आली नाही. परिणामी गाडी थेट खोल दरीत जाऊन कोसळली.

या अपघातात वाहन प्रशिक्षण घेत असलेल्या 24 वर्षीय तरूणाचा मृत्यू झाला आहे, तर रस्त्यावरील 50 वर्षीय महिलेसह चार जण गंभीर जखमी झाले आहेत. या अपघातात वाहन प्रशिक्षणचा चालकही गंभीर जखमी झाला आहे. अपघातानंतर गंभीर जखमींना रूग्णालयामार्फत झोनल हॉस्पिटल मंडई येथे आणण्यात आले, जिथे त्यांच्यावर उपचार सुरू आहेत. तर मृत तरुणाचे शवविच्छेदन केले आहे. तर, हा अपघात नेमका कसा झाला, गाडी नादुरुस्त होती का, याचा शोध पोलीस घेत आहेत.

वाचा-पाहता पाहता स्कूटी भराभर पेटू लागली; तरुणींनी जीव वाचण्यासाठी केलं...पाहा VIDEO

वाचा-अरेरे! पठ्ठ्यानं BMWला केलं कचरा गाडी, कारण वाचून व्हाल हैराण

अतिरिक्त पोलिस अधीक्षक मंडी आशिष शर्मा यांनी सांगितले की, हे प्रकरण पाधर पोलीस ठाण्यांतर्गत कामंद चौकात घडले. या अपघातात चार लोक गंभीर जखमी झाले आहेत. तोच 24 वर्षीय तरुण रामलाल याचा जागीच मृत्यू झाला. अतिरिक्त पोलिस अधीक्षक आशिष शर्मा म्हणाले की, ट्रेनमधील सर्व लोक स्थानिक रहिवासी होते. अप्पर पोलिस अधीक्षक शर्मा यांनी सांगितले की मृताचे शवविच्छेदन केले जात आहे. जखमी आणि प्रत्यक्षदर्शींच्या निवेदनांच्या आधारे याप्रकरणी पुढील कार्यवाही सुरू असल्याचे त्यांनी सांगितले.

Published by: Priyanka Gawde
First published: November 25, 2020, 8:57 AM IST

ताज्या बातम्या