बापरे! तेलाच्या विहिरीजवळ मोठा स्फोट; 3 परदेशी तज्ज्ञ जखमी, 9 जूनलाही येथेच झाला होता भडका

गुवाहाटी, 22 जुलै : आसामच्या ऑइल इंडिया लिमिटेडच्या विहिरीत बुधवारी पुन्हा एकदा स्फोट झाला. गेल्या महिन्यात 9 जून रोजी येथेच गॅस गळतीमुळे आग लागल्याची घटना समोर आली आहे. त्यानंतर तब्बल सव्वा महिन्यांपुन्हा येथे अपघात झाला आहे.

या स्फोटात 3 तज्ज्ञ जखमी झाले आहेत. तिनसुकिया जिल्ह्यात बागजानमध्ये विहीर क्रमांक 5 जवळ आग लागली आहे. विहिरीत स्फोट झाल्यानंतर संपूर्ण भागात प्रवेश बंदी करण्यात आली. सुत्रांनी दिलेल्या माहितीनुसार जखमींना रुग्णालयात दाखल करण्यात आले असून त्यांची प्रकृती स्थिर आहे.

हे वाचा-'आम्ही कायबी करीन, आमचं दूध हाय' शेतकऱ्याच्या लेकाने केली दुधाने अंघोळ, VIDEO

वृत्त संस्था पीटीआयने दिलेल्या माहितीनुसार – आग विझविणारे बीओपी लावण्यापूर्वी विहीर उघडण्यात येणार होती, त्याच दरन्यान आग लागली. स्फोट झाल्यानंतर आग विझविण्याचं ऑपरेशन थांबविण्यात आलं आहे.

Assam: An explosion occurred near well no.5 of Oil India in Baghjan, Tinsukia. 3 foreign experts at the site injured. They have been rushed to hospital. The incident occurred when operations to douse the fire at Baghjan oil field was going on. The operation has been halted now. https://t.co/d8mzsmwdPc pic.twitter.com/0azjUzRRrR

— ANI (@ANI) July 22, 2020

27 मेपासून लागली आहे आग

बागजानमध्ये एक महिना पूर्वीपासून आग लागली आहे. ऑइल इंडिया लिमिटेडच्या एका विहिरीतून 27 मे 2020 रोजी नैसर्गिक वायू गळती होत होती. याकारणाने स्फोट झाला ज्यात 9 जून रोजी विहिरीला आग लागली होती. केंद्रीय पेट्रोलियम मंत्री धर्मेंद्र प्रधान यांनी आगीत जखमी झालेल्यांना आवश्यक ती सर्व मदत केली जाणार असल्याचे सांगितले.सातत्याने सुरू असलेल्या या स्फोटामुळे आजूबाजूच्या गावातील 9000 हून अधिक जणांना सुरक्षित ठिकाणी हलविण्यात आले आहे.