धक्कादायक! भोंदूबाबाच्या मृत्यूमुळं अख्खं शहर हादरलं, भक्तच निघाले कोरोना पॉझिटिव्ह

रतलाम, 10 जून : देशात कोरोनाबाधितांची संख्या दिवसेंदिवस वाढत आहे. यातच मध्य प्रदेशातील रतलाम येथे एक धक्कादायक प्रकार घडला. रतलाम येथील एका जादूटोणा करणाऱ्या भोंदूबाबाचा कोरोनानं मृत्यू झाला. दरम्यान त्याच्या मृत्यूनंतर त्यांच्या संपर्कात आलेल्या तब्बल 20हून अधिक भक्तांना कोरोना झाल्याचं आढळून आलं आहे. या भोंदूबाबाच्या मृत्यूनंतर जेव्हा त्यांच्या संपर्कात आलेल्या भक्तांची कोरोना चाचणी केली तेव्हा हे प्रकरण समोर आलं. आतापर्यंत 62 वर्षीय जादूटोणा करणाऱ्या अनवर बाबा याच्यासह 22 लोकांना कोरोनाची लागण झाली आहे. अनवरचा 4 जून रोजी कोरोनामुळं मृत्यू झाला. बाबाचे भक्त कोरोना पॉझिटिव्ह निघाल्यानंतर प्रशासनानं अशा सर्व जादूटोणा करणाऱ्या बाबावर बंदी घातली आहे. तर, रतलाममधील इतर 29 बाबांना क्वारंटाइन करण्यात आलं आहे. वाचा-कोरोना हॉटस्पॉटमध्ये मटण पार्टीवरून महापालिका आणि पोलिस आयुक्तांमध्ये जुंपली

रतलाम-- नयापुरा के कोरोना संक्रंमित बाबा ने बांटा 21 भक्तो को कोरोना, 29 झाड़-फूक करने वाले बाबाओ को प्रशासन ने किया कोरेंटाईन, 4 जून को हो चुकी है कोरोना संक्रंमित बाबा कि मौत. @manojkhandekar pic.twitter.com/TFwYcy8Ojx

— Sudhir Jain (@SudhirNews18) June 10, 2020

वाचा-"...तर कोरोना रुग्णांना रुग्णालयात उपचार घेण्याची गरज नाही" अनवर शाह याचा 4 जून रोजी कोरोनामुळं मृत्यू झाला. त्यानंतर रतलाममधील आरोग्य विभागानं अनवारच्या संपर्कात आलेल्या लोकांचा शोध सुरू केला. मुख्य म्हणजे या लिस्टमध्ये काही प्रतिष्ठित आणि मोठ्या लोकांचाही समावेश होता. या बाबाच्या संपर्कात आलेल्या 21 जणांना कोरोनाची लागण झाली आहे, तर इतर सर्वांची चाचणी करण्यात आली आहे. या प्रकरणामुळं प्रशासनानं शहरातील जादूटोणा करणाऱ्या बाबांना क्वारंटाइन केलं आहे. वाचा-पावसाळ्यात 5 पट जास्त होणार कोरोनाचा प्रसार! IIT चा भीती वाढवणारा रिसर्च 62 वर्षीय मृत अनवार शाह आपल्या भक्तांना फूंकून पाणी पाजत असत आणि त्यांच्या हातांचा मुका घेत होते, त्यामुळं कोरोनाचा प्रसार आणखी वेगानं झाला. मुख्य म्हणजे रतलाममध्ये कोरोनाबाधितांचा आकडा 85वर पोहचला आहे. यात अनवार शाह यांच्या भक्तांनी चिंता वाढवली आहे. त्यामुळं आरोग्य विभागानं लोकांना अशा जादूटोणा करणाऱ्या बाबांपासून दूर राहण्याचे आवाहन केले आहे. संपादन, संकलन-प्रियांका गावडे.