Home /News /national /

दलित नवरदेवाला घोड्यावर बसण्यास रोखलं, पोलीस सुरक्षेत निघाली वरात; हातात घेतली संविधानाची प्रत

दलित नवरदेवाला घोड्यावर बसण्यास रोखलं, पोलीस सुरक्षेत निघाली वरात; हातात घेतली संविधानाची प्रत

निमच जिल्ह्यातील एका गावात, दलित तरुणाला पोलिसांच्या सुरक्षेत वरात काढावी लागली आहे.

    मध्य प्रदेश, 29 जानेवारी: मध्य प्रदेशच्या (Madhya Pradesh) निमच जिल्ह्यातील एका गावात, दलित तरुणाला पोलिसांच्या सुरक्षेत वरात काढावी लागली आहे. गावातल्या काही लोकांच्या धमकीमुळे असं करावं लागल्याचं समजतंय. पोलीस अधिकाऱ्यानं सांगितलं की, मनासा पोलीस स्टेशनच्या सारसी गावातील काही गावकऱ्यांनी दलित वराला घोड्यावरुन बसून वरात न काढण्याची धमकी दिली होती. यासंबंधी तक्रार मिळाल्यानंतर पोलीस अधिकाऱ्यांनी गावात पोहोचून DJ वाजवून धुमधडाक्यात वरात काढली. वरात काढण्याआधी जवळपास 100 पोलीस कर्मचाऱ्यांनी गावात फ्लॅग मार्च केला. त्यानंतर वरातीला गावातून सुरक्षा देत काढली. यावेळी लोकं भीतीच्या सावटाखाली हसत खेळत आणि नाचताना दिसले. नवरा मुलगा ही घोड्यावर संविधानाची एक प्रत घेऊन बसला होता. ही घटना प्रजासत्ताक दिनाच्या दुसऱ्या दिवशी झाली. दूध विक्रेत्याकडून बलात्कार, मित्रांना शेअर केला व्हिडिओ; पुढे घडला धक्कादायक प्रकार समोर आलेल्या माहितीनुसार, मनासापासून जवळपास 3 किमी अंतरावर स्थित असलेल्या सरसी गावातील फकिरचंद मेघवाल यांनी काही दिवसांपूर्वी जिल्हाधिकाऱ्यानं निवेदन देऊन मुलगा राहुल याच्या लग्नात गावकऱ्यांद्वारे वातावरण खराब करण्यासंदर्भात तक्रार दाखल केली होती. यावर जिल्हाधिकाऱ्यांनी पोलीस अधिकाऱ्यांना निर्देशित केलं होतं की दलित कुटुंबाला सुरक्षा दिली पाहिजे. गुरुवारी जेव्हा राहुलची वरात निघाली तेव्हा समूचे गावात तीन ठिकाणावर पोलीस उपस्थित होते. पोलीस दलानं वरात निघण्यापूर्वी फ्लॅग मार्च काढला. त्यानंतर पोलीस अधिकाऱ्यांनी आणि जवानांच्या उपस्थित वरात काढली. यादरम्यान तहसीलदार, एसडीओपी, एसडीएमसह सर्व अधिकारी उपस्थित होते. दलित वधू राहुल मेघवाल यांनी सांगितले की, जर घोड्यावरुन बसून वरात काढली तर कुटुंबाला 1 वर्षात गाव सोडण्याची धमकी गावकऱ्यांनी दिली. यानंतर वडिलांनी जिल्हाधिकारी यांना अर्ज दिला. त्यानंतर पोलीस अधिकाऱ्यांच्या सुरक्षेत वरात काढण्यात आली. भीम आर्मीचे सदस्य सुनील यांनी सांगितलं की, वर मुलगा राहुल मेघवाल याच्याकडून माहिती मिळाल्यानंतर येथे दाखल झालो. समाजात जातीवादाची मूळं इतकं खोलवर आहे की, कोणत्याही उच्च जातीचा व्यक्तीला कोणताही दलित मुलगा किंवा आदिवासी मुलगा घोडीवर बसून गावातून वरात काढू नये असं वाटतं. U19 World Cup : टीम इंडियात एक बदल, Not Out खेळाडूची झाली एन्ट्री मनसा पोलीस ठाण्याचे प्रभारी के.एल.डांगी यांनी सांगितले की, वरात काढताना आंदोलन होण्याची शक्यता दलित कुटुंबाकडून वर्तवली जात होती, त्यामुळे पोलीस आणि प्रशासनाने सर्व बंदोबस्त केला होता आणि वरात शांततेत काढण्यात आली. यामध्ये ग्रामस्थांनीही सहकार्य केले.
    Published by:Pooja Vichare
    First published:

    Tags: Madhya pradesh

    पुढील बातम्या