आगामी विधानसभा निवडणुका वेळेवरच होणार! आयोगाच्या पत्रकार परिषदेतील महत्वाचे मुद्दे

लखनऊ, 30 डिसेंबर : उत्तर प्रदेश विधानसभा निवडणुका वेळेवर (UP Election) होतील, त्याचे संकेत मुख्य निवडणूक आयुक्त सुशील चंद्र (Chief Election Commissioner Sushil Chandra) यांनी दिले आहेत, त्यांनी यूपीचा दौरा केला आहे. आयोगाने (Election commission) सांगितले की, उत्तर प्रदेश विधानसभा निवडणुकीसाठी ((2022 UP Assembly elections) सर्व पक्षांनी वेळेवर निवडणुका घेण्याची मागणी केली आहे. यूपी निवडणुकीच्या तयारीचा आढावा घेतल्यानंतर मुख्य निवडणूक आयुक्त सुशील चंद्र यांनी पत्रकार परिषदेत सांगितले की, सर्व राजकीय पक्षांच्या प्रतिनिधींनी आमची भेट घेतली आणि आम्हाला सांगितले की विधानसभा निवडणुका सर्व कोरोना प्रोटोकॉलचे पालन करून वेळेवर व्हाव्यात.

तीन दिवस आढावा घेतल्यानंतर पत्रकार परिषद घेऊन निवडणूक आयोगाने अंतिम मतदार यादी 5 जानेवारीला येणार असल्याचे सांगितले. उत्तर प्रदेशात नवीन मतदार आणि महिला मतदारांची संख्या 52 टक्क्यांनी वाढली आहे. सर्व राजकीय पक्ष वेळेवर निवडणुकीच्या बाजूने आहेत. पुढील वर्षी फेब्रुवारी-मार्च दरम्यान विधानसभा निवडणुका होणार आहेत.

मुख्य निवडणूक आयुक्त सुशील चंद्रा यांच्यासमवेत निवडणूक आयोगाच्या 13 अधिकार्‍यांचे पथक यावेळी उपस्थित होते. ज्यात अनूप चंद्र पांडे, उमेश सिन्हा, राजीव कुमार आणि आयोगाचे इतर अधिकारी होते. निवडणूक आयोगाने गेल्या दोन दिवसांत अनेक बैठका घेतल्या. उत्तर प्रदेश सरकारचा कार्यकाळ 14 मे 2022 रोजी संपत आहे. यूपीमध्ये विधानसभेच्या जागांची संख्या 403 आहे. निवडणूक आयोगाने पत्रकार परिषदेत यूपी दौऱ्याची माहिती दिली आणि सांगितले की पहिल्या दिवशी यूपीच्या सर्व राजकीय पक्षांची बैठक झाली. यात आयोगाने राजकीय पक्षांनी उपस्थित केलेल्या मुद्यांची दखल घेतली. आयोगाने उत्तर प्रदेशातील सर्व 75 जिल्ह्यांतील जिल्हा दंडाधिकारी, आयुक्त, उच्च पोलीस अधिकाऱ्यांची भेट घेतली असून त्या सर्व अधिकाऱ्यांना त्यांच्या जिल्ह्यांच्या कायदा व सुव्यवस्थेची माहिती दिली.

यूपीमध्ये 5 जानेवारीपर्यंत मतदार नोंदणीचे काम सुरू असल्याचे निवडणूक आयोगाने सांगितले. अंतिम मतदार यादी 5 जानेवारीला प्रसिद्ध होणार आहे. यावेळी उत्तर प्रदेशातील मतदारांची संख्या 15 कोटींहून अधिक आहे. मतदार याद्या प्रसिद्ध झाल्यानंतरही लोक आपली नावे नोंदवू शकतात, असे आयोगाने म्हटले आहे. यावेळी 52.8 लाख नवीन मतदारांची भर पडली आहे. जानेवारी 2022 रोजी 18 वर्षे पूर्ण झालेल्या मतदारांनी आपली नोंदणी करणे आवश्यक आहे, असे त्यात म्हटले आहे.

महात्मा गांधींबद्दल केलेलं 'ते' वक्तव्य भोवलं, कालिचरण महाराजला मध्यप्रदेशात अटक

पुढील वर्षात 5 राज्यात विधानसभा निवडणूक

पुढील वर्षात उत्तर प्रदेश, पंजाब, उत्तराखंड, गोवा आणि मणिपूर या पाच राज्यांमध्ये विधानसभा निवडणुका येऊ घातल्या आहेत. या पार्श्वभूमीवर आज केंद्रीय निवडणूक आयोगाने प्रसारमाध्यमांना माहिती दिली. यात कोविड महामारी काळात कशाप्रकारे निवडणुकीचे नियोजन असणार आहे, याविषयी सविस्तर माहिती देण्यात आली. EC ने सोमवारी कोविड-19 च्या परिस्थितीचे मूल्यांकन करण्यासाठी एक बैठक आयोजित केली होती. ज्यामध्ये ओमिक्रॉनच्या सावटाखालीच मतदानाला सामोरे जावे लागणार आहे. सुरक्षेच्या दृष्टीकोनातून सर्व उपाययोजना करण्यात येणार असून निवडणूक राज्यात लसीकरणाला वेग देण्यात येणार असल्याची माहिती आयोगाने दिली. निवडणूक आयोगाने सांगितलेल्या महत्वाच्या गोष्टींवर एक नजर टाकुया.

• दिव्यांग, गंभीर आजारी असलेले किंवा कोविड संक्रमित मतदारांसाठी घरुनच पोस्टल मतदानाची सुविधा देण्यात येणार आहे. या मतदानासाठी पूर्णपणे पारदर्शकता पाळली जाईल.
• कोरोना महामारीमुळे पूर्वी 1500 लोकांसाठी एक बूथ होता. आता 1200 लोकांसाठी एक बूथ पोल असणार आहे. त्यामुळे आता पोलिंग बूथची संख्या वाढली आहे.
• राज्यात 4 हजार 30 आदर्श मतदान केंद्र तयार करण्यात येणार आहे. त्यामुळे प्रत्येकाला याची माहिती मिळावी.
• महिला सशक्तीकरणासाठी जवळपास 800 मतदान केंद्रांवर पूर्णपणे महिलांचे व्यवस्थापन असणार आहे.
• ज्यांच्याकडे मतदान ओळखपत्र नाही. त्यांना इतर सरकारी किंवा इतर महत्वाच्या संस्थानी दिलेल्या ओळखपत्र दाखवून मतदान करू शकतो. यात 11 ओळखपत्रांचा समावेश करण्यात आला आहे. जेणेकरुन कोणीही मतदान करण्यापासून वंचित राहू नये.

Naseeruddin Shah म्हणतात 'मुघलांचे देशासाठी योगदान', अभिनेत्यावर भडकले नेटकरी

• ईव्हिएमच्या माध्यमातून मतदान राबवण्यात येणार आहे. यात तुम्ही चिन्हासमोरील बटन दाबल्यानंतर तुम्हाला त्या चिन्हाची चिठ्ठी दिसेल.
• देशातील सर्व मतदारांना आपला मतदानाचा हक्क बजवावा असं आवाहन निवडणूक आयोगाने केलं आहे.
• 18 ते 19 वयोगटातील नवीन मतदारांची संख्या गेल्या निवडणुकीच्या तुलनेत तिप्पट आहे. तसेच महिलांचे प्रमाण 839 वरून 868 वर पोहोचले आहे, असे निवडणूक आयोगाने म्हटले आहे.
• गुरुवारी पत्रकार परिषदेत निवडणूक आयोगाने सांगितले की, सर्व राजकीय पक्ष कोविड-19 नियमांचे पालन करून वेळेवर निवडणुका घेण्याच्या बाजूने आहेत.
• सकाळी 8 ते संध्याकाळी 6 वाजेपर्यंत लोक मतदान करू शकतील
• एकाच ठिकाणी 3 वर्षे कर्तव्यावर असलेल्या अधिकाऱ्यांच्या बदल्या होणार आहेत
• सी व्हिजिल अॅपद्वारे निवडणुकीतील अनियमिततेवर लक्ष ठेवण्यासाठी दक्षता वापरली जाईल.
• गुन्हेगारी प्रतिमेच्या लोकांना निवडणूक लढवण्यापूर्वी वृत्तपत्र आणि टीव्हीच्या माध्यमातून स्वतःची माहिती द्यावी लागेल.