मराठी बातम्या /बातम्या /देश /

वाराणसी: मोदींविरोधात 111 शेतकरी, BSF जवान आणि निवृत्त न्यायाधीश

वाराणसी: मोदींविरोधात 111 शेतकरी, BSF जवान आणि निवृत्त न्यायाधीश

यंदा वाराणसीची निवडणूक अनेक कारणांमुळे चर्चेत आहे. या मतदारसंघात कोणी मोदींच्या विरोधात तर कोणी सरकारच्या धोरणांचा विरोध करण्यासाठी निवडणूक लढवत आहे.

यंदा वाराणसीची निवडणूक अनेक कारणांमुळे चर्चेत आहे. या मतदारसंघात कोणी मोदींच्या विरोधात तर कोणी सरकारच्या धोरणांचा विरोध करण्यासाठी निवडणूक लढवत आहे.

यंदा वाराणसीची निवडणूक अनेक कारणांमुळे चर्चेत आहे. या मतदारसंघात कोणी मोदींच्या विरोधात तर कोणी सरकारच्या धोरणांचा विरोध करण्यासाठी निवडणूक लढवत आहे.

वाराणसी, 13 एप्रिल: देशातील सर्वात चर्चेत असलेल्या मतदारसंघ म्हणजे वाराणसी होय. पंतप्रधान नरेंद्र मोदी येथून सलग दुसऱ्यांदा निवडणूक लढवत आहेत. त्याच बरोबर सलग दुसऱ्या विजयासाठी ते प्रयत्न करत आहेत. पण यंदा वाराणसीची निवडणूक अनेक कारणांमुळे चर्चेत आहे. या मतदारसंघात कोणी मोदींच्या विरोधात तर कोणी सरकारच्या धोरणांचा विरोध करण्यासाठी निवडणूक लढवत आहे.

हे देखील वाचा: वाराणसीत PM मोदींना शह देण्यासाठी काँग्रेसचा मोठा प्लॅन

वारणसीमधून मोदींच्या विरोधात एक लष्करातील माजी जवान, 111 जवान आणि एक निवृत्त न्यायाधिश निवडणूक लढवत आहेत. 2014मध्ये मोदींनी येथून विजय मिळवला होता. तेव्हा अरविंद केजरीवाल यांनी त्यांच्याविरुद्ध निवडणूक लढवली होती. त्यामुळे केजरीवाल यांची उमेदवारीने संपूर्ण देशाचे लक्ष वेधले होते. पण यंदा मात्र ही निवडणूक आणखी रंजक होणार आहे. मोदींना टक्कर देण्यासाठी नोकरीतून काढून टाकण्यात आलेला बीएसएफचा जवान आणि तामिळनाडूतील शेतकरी मैदानात उतरले आहेत.

निवृत्त न्यायाधीश लढणार

कोलकाता उच्च न्यायालयाचे निवृत्त न्यायाधीश चिन्नास्वामी स्वामीनाथन कर्णन वाराणसीतून निवडणूक लढवत आहेत. विशेष म्हणजे कर्णन यांना सर्वोच्च न्यायालयाचा अपमान केल्याबद्दल दोषी ठरवण्यात आले होते. 2017मध्ये त्यांना 6 महिन्यासाठी तुरुंगात जावे लागले होते. आता ते भ्रष्टाचाराची निवडणूक लढवणार आहेत. 2018मध्ये त्यांनी एका राजकीय पक्षाची स्थापना केली होती. 63 वर्षीय कर्णन यांनी सेंट्रल चेन्नई बरोबरच वाराणसीतून देखील उमेदवारी अर्ज दाखल केला आहे.

जवानांसाठी निवडणुकीच्या रिंगणात तेज बहादुर

बीएसएफमधील जवान तेज बहादुर यादव गेल्या एक वर्षात चर्चेत आले आहेत. जवानांना दिले जाणाऱ्या जेवणाचा दर्जा खराब असल्यावरून यादव यांनी एक व्हिडिओ शेअर केला होता. हा व्हिडिओ सोशल मीडियावर मोठ्या प्रमाणात व्हायरल झाला होता. अर्थात चौकशीनंतर त्यांनी केलेले आरोप चुकीचे असल्याचे सिद्ध झाले आणि त्यांना नोकरीवरुन काढून टाकण्यात आले. यादव यंदा वाराणसीतून अपक्ष निवडणूक लढवणार आहेत. या निवडणुकीत भलेही माझा पराभव होईल पण हायप्रोफाईल मतदारसंघातून निवडणू्क लढवल्यामुळे जवानांच्या समस्येवर प्रकाश पडेल असे त्यांनी सांगितले.

दिल्लीनंतर आता शेतकरी वाराणसीत

मोदींच्या विरोधात वाराणसीतून 111 शेतकरी निवडणूक लढवत आहेत. 2017मध्ये तामिळनाडूच्या 111 शेतकऱ्यांच्या गटाने दिल्लीत आंदोलन केले होते. या गटाचे नेतृत्व पी.अय्यकन्नू करत आहेत.

याशिवाय भीम आर्मीचे प्रमुख चंद्रशेखर आझाद यांनी देखील 30 मार्चला रोड शो करत मोदींच्या विरोधात निवडणूक लढणार असल्याचे जाहीर केले. काही दिवसांपूर्वी काँग्रेसच्या महासचिव प्रियांका गांधी यांनी रुग्णालयात जाऊन त्यांची भेट घेतली होती. तर तेलंगणा आणि आंध्र प्रदेशमधील फ्लोरोसिस पीडित रुग्णांसाठी काम करणारे वड्डे श्रीनिवासन आणि जलगम सुधीर हे देखील मोदींविरोधात निवडणूक लढवणार आहेत. या दोघांचा हेतू लोकांचे लक्ष वेधण्याचा आहे.  हिंदू विद्यापीठातील प्राध्यापक आणि संकट मोचन मंदिराचे महंत विश्वंबर नाथ मिश्रा हे देखील  निवडणूक लढवणार आहेत. मिश्रा यांनी गंगा स्वच्छता अभियानासाठी देखील काम करत आहेत. काही वृत्तानुसार मिश्रा काँग्रेसकडून निवडणू्क लढवणार आहेत. पण या वृत्ताला कोणी दुजोरा दिला नाही.

SPECIAL REPORT : विनायक मेटेंच्या खेळीने मुख्यमंत्री फडणवीस संतापले

First published:

Tags: Election 2019, Lok sabha election 2019, Narendra modi, Varanasi S24p77