लातूरची सून टीना डाबीच्या अडीच महिन्याच्या संसारानंतर Ex नवऱ्याचीही लगीनघाई, होणारी पत्नी खूपच सुंदर

नवी दिल्ली, 3 जुलै : Athar Amir khan Second marriage : आयएएस टीना डाबी (Tina Dabi) यांच्या दुसऱ्या लग्नाची जोरदार चर्चा होती. टीना डाबी यांनी 22 एप्रिल रोजी लातूरचे प्रदीप गावंडेंसोबत दुसरं लग्न केलं. आता हाती आलेल्या बातमीनुसार, टीना डाबींचा पहिला पती अतहर आमिर खानदेखील दुसऱ्या लग्नाच्या तयारीत आहे. अतहर श्रीनगरमध्ये राहणाऱ्या डॉक्टर महरीन (Dr. Mahreen) यांच्यासोबत लग्न करणार असल्याचं सांगितलं जात आहे. दोघांनीही सोशल मीडियावर एक फोटो शेअर करून याबाबत माहिती दिली. यावेळी त्यांनी साखरपुडा झाल्याचं सांगितलं. दरम्यान टीना डाबी सध्या पतीसोबत गोव्यात सुट्ट्या एन्जॉय करीत आहेत. त्यांनी काही फोटोही सोशल मीडियावर शेअर केले आहेत.

View this post on Instagram

A post shared by Tina Dabi (@dabi_tina)

कोण आहे महरीन काजी श्रीनगरमध्ये राहणाऱ्या डॉक्टर महरीन व्यवसायाने डॉक्टर आहेत. त्यांनी मेडिसीनमध्ये एमडी केलं आहे. डॉ. महरीन काजी दिल्लीच्या आंबेडकर विद्यापीठाशिवाय यूके आणि जर्मनीतून उच्च शिक्षण घेतलं आहे. मीडिया रिपोर्टनुसार महरीन श्रीनगरच्या लाल बाजार येथील राहणारी आहे. दोघेही बऱ्याच दिवसांपासून एकमेकांना डेट करीत होते.

View this post on Instagram

A post shared by Dr. Mehreen Qazi (@dr_mehreen)

पहिलं लग्न... काश्मिरच्या अनंतनाग येथे राहणारे अतहर आमिर खान यांचं पहिलं लग्न आयएएस टीना डाबी यांच्यासोबत 2018 मध्ये झालं होतं. मात्र हे लग्न फार काळ टिकू शकलं नाही. 2021 मध्ये दोघांनी घटस्फोट घेतला होता. यानंतर एप्रिल 2022 मध्ये टीना डाबी यांनी लातूरचे प्रदीप गावंडेंसोबत दुसरं लग्न केलं होतं. त्यांच्या लग्नाचीही मोठी चर्चा सुरू होती.