हायवेवर शेकडो गाड्या असताना अचानक कोसळली दरड, पाहा थरारक LIVE VIDEO

चमोली, 27 जुलै : देवभूमी उत्तराखंडवर सध्या नैसर्गिक आपत्तीचे मोठं संकट आहे. मुसळधार पावसामुळे सतत भूस्खलन होत असल्याच्या घटना समोर येत आहेत. येथील चमोली जिल्ह्यात अशीच एक मोठी घटना घडली. भूस्खलनामुळे संपूर्ण रस्ता जाम झाला. वृत्तसंस्था एएनआयच्या माहितीनुसार, चमोली जिल्ह्यातील गौचर येथील ITBPकॅम्पजवळ सोमवारी सकाळी भूस्खलन झाले. असे म्हटले जात आहे की डोंगराचा एक मोठा भाग रस्त्यावर पडला, ज्यामुळे बद्रीनाथ महामार्ग जाम झाला आहे. त्यामुळे रस्त्यावर वाहनांच्या लांबलचक रांगा लागल्या आहेत. सध्या महामार्ग रिकामी करण्याची प्रक्रिया सुरू आहे.

दुसरीकडे पिथौरागड जिल्ह्यातील झुला गावात ढगफुटीची घटना उघडकीस आली आहे. गावात दोन लोक अडकल्याची भीती आहे. असेही बोलले जात आहे की ढगफुटीमुळे 5 ते 6 घरांनाही याचा फटका बसला आहे. त्याचबरोबर माहिती मिळाल्यानंतर एसडीआरएफ टीम घटनास्थळी पोहोचला आहे. मदतकार्य सुरू केले आहे.

#WATCH Uttarakhand: A landslide occurred near ITBP camp in Gauchar of Chamoli district this morning, blocking Badrinath Highway. The operations to clear the highway is underway. pic.twitter.com/UHaP1AGnih

— ANI (@ANI) July 27, 2020

ढगफूटीमुळे गावाचे मोठे नुकसान

पावसाळ्यात पर्वतीय भागातील भूस्खलन आणि ढगफुटीच्या घटना घडत असतात. गेल्या आठवड्यात पिथौरागडमध्ये ढगफुटीमुळे तंगा गावाचे मोठे नुकसान झाले. एसडीआरएफ, एनडीआरएफ, आयटीबीपी आणि पोलिसांच्या पथकाने कित्येक दिवस शोधमोहीम राबविली.

An incident of cloudburst reported in Jhula village of Pithoragarh district. Two people feared trapped, 5-6 houses affected. SDRF rushed to the spot: State Disaster Response Force (SDRF). #Uttarakhand

— ANI (@ANI) July 27, 2020

त्यानंतर ढिगाऱ्यातून 5 मृतदेह बाहेर काढण्यात आले. दरम्यान अजूनही 6 लोक बेपत्ता असल्याची माहिती मिळाली आहे, ज्यांचा शोध घेण्यात येत आहे. मिळालेल्या माहितीनुसार, ढगफुटीमुळे 11 लोक ढिगाऱ्या खाली अडकले.