नवी दिल्ली, १ ऑक्टोबर : केंद्रीय मंत्री किरण रिजिजू यांनी सोशल मीडियावर टाकलेला आपल्या मुलीचा व्हिडिओ व्हायरल झालाय. माझ्या शाळेत तुम्ही कधीच आला नाहीत. आता ग्रँडपेरेंट्स डेला आजी-आजोबा इथे नाहीत, तर तुम्ही तरी या असा लाडिक हट्ट ती बाबांजवळ करत असतानाचा हा व्हिडिओ आहे.
शाळेत यायला वेळ होत नाही, कारण ऑफिसमध्ये खूप काम असतं, असं बाबा अर्थात किरण रिजिजू तिला सांगतात तेव्हा ही चिमुरडी निखळपणे सांगते की, तुमच्या बॉसला सांगा मुलीच्या शाळेत जायलाच हवंय, बॉस तुम्हाला सुट्टी देईल, असंही ती सांगतानाचा हा व्हिडिओ आहे.
This is how my little daughter convinced me to attend her school's "Grandparents Day" for the first time. pic.twitter.com/ZaIt3y658D
— Kiren Rijiju (@KirenRijiju) September 30, 2018
अखेर आपण मुलीच्या शाळेत गेलो, असंही किरण रिजिजू यांनी ट्वीट केलंय. शाळेत मुलीबरोबरचा एक फोटोही त्यांनी शेअर केलाय. २१ हजार लोकांनी तो लाईक केलाय आणि ही बातमी लिहिपर्यंत अडीच हजार लोकांनी हा व्हिडिओ शेअरही केला होता.
बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा
