VIDEO VIRAL राहुल गांधींच्या मतदारसंघात युवा काँग्रेसच्या कार्यकर्त्यांवर पोलिसांचा बेदम लाठीमार

वायनाड (केरळ), 28 ऑगस्ट : युवा काँग्रेसच्या कार्यकर्त्यांना (Youth congress) पोलीसांनी (Kerala police) बेदम मारहाण केल्याचा VIDEO सोशल मीडियावर viral झाला आहे. काँग्रेस नेते राहुल गांधी (Rahul gandhi) यांच्या मतदारसंघातच हा प्रकार झाल्याने सोशल मीडियावर याविषयी जोरदार चर्चा आहे. केरळच्या वायनाड (Wayanad) इथे आंदोलन करणाऱ्या काँग्रेस कार्यकर्त्यांवर बेदम लाठीमार केला. केरळचे मुख्यमंत्री पिनरई विजयन (CM pinarayi-vijayan) यांनी सोनं तस्करी (Kerala gold smuggling case) प्रकरणात राजीनामा द्यावा, या मागणीसाठी युवा काँग्रेसच्या कार्यकर्त्यांनी आंदोलन केलं. त्या वेळी केरळ पोलिसांनी ही कारवाई केली. केरळमध्ये सध्या सोनं तस्करीचं प्रकरण चांगलं गाजत आहे. राष्ट्रीय तपास यंत्रणा (NIA) या प्रकरणी तपास करत आहे. याविषयी सर्वच विरोधी पक्ष आक्रमक झाले असून मुख्यमंत्र्यांचा राजीनामा मागत काँग्रेसच्या युवा कार्यकर्त्यांनी आज धरणे आंदोलन केलं. आंदोलकांना पांगवण्यासाठी केरळ पोलिसांना जोरदार लाठीमार केला. त्याचा VIDEO पाहा.

#WATCH Kerala Police cane-charged Youth Congress workers who were staging a protest demanding resignation of Chief Minister Pinarayi Vijayan over the gold smuggling case, in Wayanad. pic.twitter.com/i3Gyp4LVbW

— ANI (@ANI) August 28, 2020

5 जुलैला तिरुवनंतपुरममध्ये कस्टम विभागाने तब्बल 14. 82 कोटी रुपयांचं सोनं जप्त केलं. तेव्हापासून केरळात हे गोल्ड स्मगलिंग प्रकरण गाजत आहे. काही राजकीय आणि प्रशासकीय हस्तकांना हाताशी धरून सोन्याचं स्मगलिंग होत असल्याचे आरोप आहेत. या प्रकरणी NIA तपास करीत आहे आणि आतापर्यंत या प्रकरणात किमान 20-22 जणांना NIA ने ताब्यात घेतलं आहे. केरळची राजधानी तिरुवनंतरपुरममध्ये 30 किलो सोनं जप्त केलं गेलं आणि त्यामागे राजकीय वरदहस्त असल्याची चर्चा सुरू झाली. आता याच प्रकरणी मुख्यमंत्र्यांनी राजीनामा द्यावा, अशी मागणी विरोधक करत आहेत. डिप्लोमॅटिक बॅगेजचा म्हणजे राजनैतिक अधिकारी असल्याचा शिक्का असलेल्या बॅगेतून हे सोनं केरळमध्ये आलं होतं. त्यामुळे या प्रकरणात किती बड्या हस्तींचा हात असू शकतो याविषयी चर्चा सुरू आहे. मलाप्पुरम आणि कोझिकोड जिल्ह्यांमधल्या काही जणांना या प्रकरणी ताब्यात घेतलं आहे. मलाबार ज्वेलरी, अमीन गोल्ड या प्रसिद्ध सोन्यासाठी प्रसिद्ध ब्रँडची या प्रकरणी चौकशी सुरू आहे.