सकाळपासून केदारनाथ परिसरात 3 फुटांहून अधिक बर्फ पडल्याचं वृत्त आहे. हिवाळ्यात या परिसरात होणाऱ्या हिमवृष्टीमुळेच हे तीर्थक्षेत्र पर्यटकांसाठी बंद केलं जातं. इथे येणारे रस्तेही बर्फामुळे बंद असतात. केदानाथ पाठोपाठ गंगोत्री, यमनोत्री आणि बद्रिनाथ हे इतर धामही हिवाळ्यात सहा महिने बंद असतात. पुढे ग्रीष्मात अक्षय तृतीयेच्या मुहूर्तावर या मंदिरांचे दरवाजे पुन्हा एकदा भाविकांसाठी खुले होतील. भाऊबीजेच्या मुहूर्तावर केदारनाथ मंदिर हिवाळ्यासाठी बंद करण्यात येणार होतं. दरवर्षीप्रमाणे इथे त्यापूर्वी विधिवत पूजा झाली. आता सहा महिन्यांनंतर वातावरण पाहून पुन्हा एकदा केदारनाथाची कवाडं उघडण्याचा निर्णय घेण्यात येईल. फक्त 6 महिन्यात लाखो भाविक या चार धाम यात्रेसाठी येतात. बिहारमधल्या यशानंतर योगींनी केदारनाथाचं दर्शन घ्यायचं ठरवलं होतं. मंदिर हिवाळ्यासाठी बंद होण्यापूर्वीच उत्तर प्रदेशचे मुख्यमंत्री तिथे पोहोचले. पहाटे 3 वाजल्यापासूनच मंदिर बंद होण्यापूर्वीची पूजा-अर्चा सुरू होती. त्यानंतर आदित्यनाथ बद्रिनाथ इथे एका कार्यक्रमासाठी पोहोचणं अपेक्षित होतं. पण हेलिकॉप्टर उड्डाणासाठी योग्य वातावरण नसल्याने त्यांना केदारनाथहून वेळेत निघता आलं नाही. बद्रिनाथ इथे उत्तर प्रदेश सरकारतर्फे 40 खोल्यांचं पर्यटक निवास बांधण्यात येत आहे. त्याचं भूमिपूजन मुख्यमंत्री आदित्यनाथ यांच्या हस्ते होणार होतं.हर हर महादेव... pic.twitter.com/sYp1PRY4I1
— Yogi Adityanath (@myogiadityanath) November 16, 2020
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.