भरचौकात दगडफेक आणि काठीने हल्ला करत नेहरूंच्या पुतळ्याची तोडफोड; धक्कादायक VIDEO

भोपाळ 26 मे : मध्य प्रदेशातील सतना जिल्ह्यातून एक धक्कादायक घटना समोर आली आहे. यात शहरातील चौकात असलेल्या माजी पंतप्रधान पंडित जवाहरलाल नेहरू यांच्या पुतळ्याची काही लोकांनी तोडफोड केली आहे (Jawaharlal Nehru Statue vandalized). या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. राज्याचे माजी मुख्यमंत्री कमलनाथ यांनीही हा व्हिडिओ (Shocking Video) ट्विटरवर शेअर केला आहे. चमत्कार! तिसऱ्या मजल्यावरून कोसळली पण साधं खरचटलंही नाही; दीड वर्षांच्या चिमुकलीला पाहून डॉक्टरही हैराण व्हिडिओ शेअर करताना कमलनाथ यांनी लिहिलं, "हा व्हिडिओ मध्य प्रदेशातील सतना जिल्ह्यातील आहे. ज्यात काही समाजकंटक देशाचे माजी पंतप्रधान स्वर्गीय जवाहरलाल नेहरू यांच्या पुतळ्याची विटंबना करताना दिसत आहेत. ही घटना अत्यंत निंदनीय आहे." व्हिडिओमध्ये दिसतं, की काही समाजकंटक नेहरूंच्या पुतळ्यावर काठीने हल्ला तसंच दगडफेक करत आहेत.

यह विडीओ मध्यप्रदेश के सतना ज़िले का है। जहाँ देश के पूर्व प्रधानमंत्री स्व.जवाहरलाल नेहरू जी की प्रतिमा को कुछ असामाजिक तत्व क्षतिग्रस्त कर रहे है।

यह घटना बेहद निंदनीय है। pic.twitter.com/CPlDwWef3w — Kamal Nath (@OfficeOfKNath) May 25, 2022

मीडिया रिपोर्ट्सनुसार पोलिसांनीही या घटनेची दखल घेतली आहे. सतना शहरातील सह जिल्हाधिकारी कार्यालयापासून हाकेच्या अंतरावर असलेल्या धवरी चौकात ही घटना घडली आहे. व्हिडिओमध्ये पुतळ्याची तोडफोड करणारे उपद्रवी शिवराज सरकारच्या विरोधात घोषणा देत होते. तसंच ते जवाहरलाल नेहरूंच्या पुतळ्यावर लाठीमार आणि दगडफेक करत होते. बॅट, तवा, काठीने दररोज बेदम मारहाण करायची बायको; वैतागलेल्या प्रिन्सिपल नवऱ्याने अखेर...; CCTV मध्ये भयानक दृश्य कैद या घटनेचा व्हिडिओ सध्या सोशल मीडियावर प्रचंड व्हायरल होत आहे. यासह आता बुधवारी काँग्रेस पक्षाचे लोक नेहरू पुतळ्याजवळ धरणे आंदोलनाला बसले. यानंतर सीएसपीसह कोतवाली पोलीस घटनास्थळी पोहोचले. सध्या काँग्रेस पक्षाच्या तक्रारीवरून पोलिसांनी गुन्हा दाखल केला आहे, याशिवाय काही संशयितांना ताब्यात घेऊन पोलिसांनी चौकशी सुरू केली आहे.