नवी दिल्ली, 17 जून : केंद्र सरकारने जम्मू आणि काश्मीरमध्ये रमजानच्या काळात लागू करण्यात आलेल्या शस्त्रसंधीला मुदतवाढ न देण्याचा निर्णय घेतला आहे, अशी माहिती गृहमंत्रालयाने ट्विटरवरून दिली आहे. त्यामुळे आता लष्कराला दहशवाद्यांविरोधात शोधमोहिमा राबवून कारवाई करता येणार आहे.  दहशतवादी कारवायांना आळा घालण्यासाठी दहशतवाद्यांविरोधात योग्य ती कारवाई करण्याचे आदेश सुरक्षा दलांना देण्यात आले आहेत. जम्मू काश्मीरमध्ये दहशतवाद आणि हिंसाचार मुक्त वातावरण निर्माण करण्यासाठी सरकार कटिबद्ध आहे, असे राजनाथ सिंह यांनी सांगितले.

The operations against the terrorists to resume.

— HMO India (@HMOIndia) 17 June 2018

गेल्या काही दिवसांपासून सीमेवर पाकिस्तानकडून सतत गोळीबार होत आहे. त्यामुळे दोन्ही देशांमधील कटुता वाढली आहे. आज ईदच्या दिवशीही पाकिस्तानकडून शस्त्रसंधीचं उल्लंघन केलं गेलं ज्यात बीएसएफचा 21 वर्षीय विकास गुरूगंग हा जवान शहीद झाला. विकास हे मुळचे मणिपुरचे रहिवासी होते.

जम्मू-काश्मीर शस्त्रसंधी उल्लंघनाशिवाय इतरही बऱ्याच घटना घडल्या. ज्यामुळे दोन्ही देशांमधील कटुता वाढली आहे. पुलवामात आतंकवादींनी सुट्टीवर जात असलेल्या जवानाचे अपहरण करून त्याची हत्या केली.

हेही वाचा

पाककडून शस्त्रसंधीचं उल्लंघन, वाघा बॉर्डरवर यावर्षी ईदसाठी मिठाई वाटप नाही

तसंच श्रीनगरचे वरीष्ठ पत्रकार आणि ‘रायजिंग कश्मीर’चे संपादक शुजात बुखारी यांची गोळी मारून हत्या केली. दुसरीकडे दिवसेंदिवस सेनेच्या जवानांवर होत असलेल्या पत्थरबाजी दोन्ही देशातील वातावरण तणावपूर्ण आहे.

या आधी मंगळवारी पाकिस्तानी सेनेद्वारा केल्या गेलेल्या शस्त्रसंधी उल्लंघनामुळे सांबा जिल्ह्याच्या रामगढ सेक्टरमध्ये असिस्टंट कमांडंटसहित बीएसएफचे चार जवान शहीद झाले होते.

First Published: Jun 17, 2018 01:05 PM IST