युक्रेनमध्ये अडकलेली PAK ची विद्यार्थी झाली पंतप्रधान मोदींची Fan, म्हणाली...

नवी दिल्ली, 9 मार्च: रशिया आणि युक्रेनमध्ये (Ukraine Russia War) सुरू असलेल्या युद्धात मोठी जीवित तसंच वित्त हानीही होते आहे. युद्धाच्या परिस्थितीपासून वाचण्यासाठी अनेक जण आपापल्या देशात परतत आहेत किंवा आपल्या कुटुंबियांसह देश सोडून इतर दुसऱ्या देशात जात आहेत. दरम्यान युक्रेनमध्ये अडकलेल्या भारतीय विद्यार्थ्यांना भारतात परत आणण्यासाठी केंद्र सरकारकडून प्रयत्न सुरू आहेत. त्यासाठी ऑपरेशन गंगा (Operation Ganga) नावाची मोहीम राबवण्यात आली आहे. याचदरम्यान भारतीय अधिकाऱ्यांनी पाकिस्तानी विद्यार्थीनी अस्मा शफीकची (Pakistan's Asma Shafique thanks the Indian embassy in Kyiv and Prime Minister Modi for evacuating her) देखील युक्रेनमधून सुटका केली आहे. तीने याबद्दल मोदी सरकारचे आभार मानले आहेत. युक्रेनमध्ये युद्धात अडकलेल्या भारतीयांना आणि इतर देशांतील लोकांना बाहेर काढण्यात भारत महत्त्वाची भूमिका बजावत आहे. पंतप्रधान नरेंद्र मोदींच्या पुढाकाराने, पुतिन आणि झेलेन्स्की युद्ध थांबवून मानवतावादी कॉरिडॉरमधून लोकांना सुरक्षितपणे सोडवण्याची संधी देत ​​आहेत. कीवमधील भारतीय दूतावासाच्या मदतीने तेथे अडकलेले अनेक पाकिस्तानीही बाहेर पडत आहेत. हे लोक भारताबद्दल कृतज्ञता व्यक्त करत आहेत. अशीच एक पाकिस्तानी मुलगी अस्मा शफीक हिलाही भारतीय संघाने युक्रेनमधून सुखरूप बाहेर काढले आहे. ती लवकरच घरी परतणार आहे. या मदतीबद्दल अस्माने पंतप्रधान मोदी आणि भारतीय दूतावासाचे आभार मानले आहेत. अस्मा म्हणाली, 'माझे नाव अस्मा शफीक आहे. आम्हाला शक्य ती सर्व मदत दिल्याबद्दल मी कीवमधील भारतीय दूतावासाचा आभारी आहे. अतिशय कठीण परिस्थितीत आम्ही इथे अडकलो होतो. मी भारताच्या पंतप्रधानांचा देखील आभारी आहे की त्यांच्या मुळेच आम्ही इथून बाहेर पडू शकलो, मदत केल्याबद्दल धन्यवाद. भारतीय दूतावासाचे आभार, आम्ही सुखरूप घरी जात आहोत. धन्यवाद.'

#WATCH | Pakistan's Asma Shafique thanks the Indian embassy in Kyiv and Prime Minister Modi for evacuating her.

Shas been rescued by Indian authorities and is enroute to Western #Ukraine for further evacuation out of the country. She will be reunited with her family soon:Sources pic.twitter.com/9hiBWGKvNp — ANI (@ANI) March 9, 2022

कीवमधील भारतीय दूतावासाच्या अधिकाऱ्यांनी अस्मा शफीकची सुटका केल्याचे सूत्रांनी सांगितले. ती युद्धग्रस्त भागात अडकली होती. तिला प्रचंड त्रास होत होता. यादरम्यान, जेव्हा तिला भारतीय दूतावासातून लोकांना बाहेर काढण्याच्या प्रयत्नांची माहिती मिळाली तेव्हा तिने भारतीय अधिकाऱ्यांशी संपर्क साधला. यावर अस्मालाही इतर भारतीयांसह पश्चिम युक्रेनमध्ये नेले जात आहे. ती लवकरच तिच्या कुटुंबापर्यंत पोहोचेल.