Home /News /national /

Cyclone Tauktae: तटरक्षक दलानं समुद्रात अडकलेल्या 138 जणांना वाचवलं; पाहा बचाव मोहिमेचे थरारक व्हिडिओ

Cyclone Tauktae: तटरक्षक दलानं समुद्रात अडकलेल्या 138 जणांना वाचवलं; पाहा बचाव मोहिमेचे थरारक व्हिडिओ

भारतीय तटरक्षक दल (Indian Coast Guard) देशाच्या समुद्रकिनाऱ्यांचे रक्षण करण्यासोबतच समुद्र आणि किनाऱ्यांवरील विविध आपत्तींमध्ये नागरिकांना वाचवण्याचे कामही करत असते. आताही तौक्ते वादळामध्ये तटरक्षक दलानं (Indian Coast Guard) अत्यंत महत्त्वपूर्ण जीवरक्षक कामगिरी केली आहे.

पुढे वाचा ...
    मुंबई, 18 मे : भारतीय तटरक्षक दल (Indian Coast Guard) देशाच्या समुद्रकिनाऱ्यांचे रक्षण करण्यासोबतच समुद्र आणि किनाऱ्यांवरील विविध आपत्तींमध्ये नागरिकांना वाचवण्याचे कामही करत असते. आताही तौक्ते वादळामध्ये (CycloneTauktae ) तटरक्षक दलाने (Indian Coast Guard) अत्यंत महत्त्वपूर्ण जीवरक्षक कामगिरी केली आहे. दमण कोस्ट गार्ड एअर स्टेशनच्या चेतक हेलिकॉप्टरने सातपाटी येथील 138 जणांचे तर, गोव्यातील आणखी एका चेतकने वेंगुर्ला दीपगृह येथील दोन कर्मचाऱ्यांचे प्राण वाचवले. या थरारक शोर्याचा व्हिडिओ समोर आला आहे, तटरक्षक दलानं ट्विटकरून याचे व्हिडिओ शेअर केले आहेत. कोस्ट गार्ड एअर स्टेशन दमण येथून निघालेल्या कोस्ट गार्ड हेलिकॉप्टर चेतकने सातपाटी जीएएल कन्स्ट्रक्टरच्या (Satpati GAL Constructor) समुद्रात जहाजावर अडकलेल्या सर्व 138 कर्मचाऱ्यांची सुटका केली. तटरक्षक दलाने अत्यंत जबाबदारीने आणि सुयोग्य व्यवस्थापनासह ही कामगिरी पार पाडली. यासह हे बचावकार्य यशस्वीरीत्या पूर्ण झाले. तर, कोस्ट गार्ड एअर एन्क्लेव्ह गोवा येथून निघालेल्या आणखी एका चेतक हेलिकॉप्टरने वास्कोच्या उत्तरेकडे 38 समुद्री मैलांवर (Nautical miles) असलेल्या वेंगुर्ला दीपगृहातील दोन कर्मचाऱ्यांना वाचवले. हे वाचा - यांचं आपलं भलतंच! मुख्यमंत्र्यांचं Lockdown वाढवण्यासंबंधी Tweet ‘लैला-मजनू’च्या या कमेंटमुळे हिट या सर्वांना यशस्वीरीत्या किनाऱ्यावर आणण्यात आले. तौक्ते वादळामुळे वाहणारे वेगवान वारे आणि बदलत्या हवामानामुळे खवळलेला समुद्र यामुळे येथील विद्युतदपुरवठा पूर्णपणे खंडित झाला होता. तसेच, या दीपगृहाचेही मोठे नुकसान झाले आहे.
    Published by:News18 Desk
    First published:

    Tags: Cyclone, Indian army

    पुढील बातम्या