Leggings घातली म्हणून शिक्षिकेसोबत गैरवर्तन, मुख्याध्यापिकेने दिलं धक्कादायक कारण

मलप्पुरम, 1 डिसेंबर : लेगिंग्ज घातल्याबद्दल मुख्याध्यापिकेने शिक्षिकेसोबत गैरवर्तन केल्याचा प्रकार समोर आला आहे. केरळमधील एका उच्च माध्यमिक शाळेतील शिक्षिकेने वर्गात लेगिंग्ज घातल्याबद्दल तिच्या मुख्याध्यापिकेने तिचा अपमान केल्याचा आरोप केला आहे.

काय आहे संपूर्ण प्रकरण -

मलप्पुरममधील सरकारी उच्च माध्यमिक विद्यालय एडप्पाट्टाच्या शिक्षिका सरिता रवींद्रनाथ यांनी मुख्याध्यापिका रामलम यांच्याविरोधात तक्रार दाखल केली. शाळेतील हिंदीच्या शिक्षिका सरिता म्हणाल्या की, मुख्याध्यापिकेने तिला सांगितले की, एका मुलाने गणवेश घातलेला नाही कारण तिने लेगिंग घातले होते.

या आरोपाचा बचाव करताना ती म्हणते की, ती कधीही अयोग्य असे कपडे घालून शाळेत आली नव्हती. शिक्षक कोणत्याही आरामदायक आणि सभ्य पोशाखात शाळेत येऊ शकतात असा कायदा असताना असा अनुभव आल्याने खूप मानसिक त्रास झाला, असे त्या म्हणाल्या.

याप्रकरणी शिक्षिका सरिता रवींद्रनाथ यांनी मुख्याध्यापिका रामलम यांच्या विरोधात डीईओकडे तक्रार दाखल केली. सकाळी शाळेत पोहोचून मुख्याध्यापिकेच्या खोलीत गेल्यावर हा प्रकार घडला. एका विशिष्ट मुलाने गणवेश घातलेला नव्हता. त्याची चर्चा लेगिन्सपर्यंत आली. शिक्षिका सरिता यांनी न्यूज18 ला सांगितले की, मुख्याध्यापिकेने सांगितले की मुलांनी गणवेश घातलेला नाही कारण तिने लेगिंग्ज घातल्या होत्या.

हेही वाचा - आमंत्रणाशिवायच लग्नात जेवायला गेला; MBA च्या विद्यार्थ्याला मिळालेली शिक्षा पाहून संताप येईल

शिकवण्यासाठी ती कधीही अयोग्य कपडे घालून शाळेत आली नाही. शिक्षिका सरिता म्हणाल्या की, असा अनुभव आल्याने त्यांना खूप मानसिक त्रास झाला. शिक्षकांना शाळेत येण्यासाठी कोणतेही आरामदायक आणि सभ्य कपडे घालता येतील असा कायदा आहे. याप्रकरणी त्यांनी तक्रार केली आहे. तर, मुख्याध्यापिका रामलम यांनी न्यूज 18 ला सांगितले की, ती आता टिप्पणी करण्यास तयार नाही आणि वरिष्ठांनी विचारल्यास ते स्पष्टीकरण देऊ शकतात.