काबूलमधून बाहेर काढलेले 78 लोक दिल्लीला पोहोचले, श्री गुरु ग्रंथ साहिबचे 3 सरूप केंद्रीय मंत्री हरदीपसिंग पुरी घेतले डोक्यावर

नवी दिल्ली, 24 ऑगस्ट: अफगाणिस्तानात (Afghanistan) तालिबाननं (Taliban)कब्जा केल्यानंतर काबूलमधून (Kabul) भारतीयांना बाहेर काढण्याची प्रक्रिया सुरू आहे.आज एअर इंडियाचे AI-1956 विमान 78 लोकांना घेऊन ताजिकिस्तानची राजधानी दुशांबे येथून दिल्लीत दाखल झाले. यामध्ये 25 भारतीय नागरिक आणि 46 अफगाण शिखांचा समावेश आहे. काबूलच्या गुरुद्वारांमधून काढलेले तीन श्री गुरु ग्रंथ साहिब (Sri Guru Granth Sahib) देखील या विमानातून आणण्यात आले आहेत. केंद्रीय मंत्री हरदीपसिंग पुरी (Hardeep Singh Puri), व्ही मुरलीधरन आणि भाजप नेते आरपी सिंह या गुरु ग्रंथ साहिबांचे स्वरूप (Swaroop) स्विकारण्यासाठी दिल्ली विमानतळावर पोहोचले. गुरुग्रंथ साहिब त्यांनी डोक्यावर ठेवून ते विमानतळाबाहेर आणले.

ਵਾਹੁ ਵਾਹੁ ਬਾਣੀ ਨਿਰੰਕਾਰ ਹੈ । ਤਿਸੁ ਜੇਵਡੁ ਅਵਰੁ ਨ ਕੋਇ ।। आज काबुल से दिल्ली आए श्री गुरु ग्रंथ साहिब जी के तीन पवित्र स्वरूप के भारत आगमन पर उपस्थित होने और उनकी सेवा करने का अखंड सौभाग्य प्राप्त हुआ है। ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ pic.twitter.com/eKmG8T2FCK

— Hardeep Singh Puri (@HardeepSPuri) August 24, 2021

शीख धर्माच्या लोकांनी दिल्ली विमानतळावर प्रार्थना केली. या विशेष वाहनात (बस) गुरु ग्रंथ साहिबचे पवित्र स्वरूप ठेवून ते टिळक नगरातील महावीर नगर गुरुद्वारा येथे नेले जाईल.

श्री गुरु ग्रंथ साहिबचे 3 सरूप भारतात दाखल pic.twitter.com/dWAItCNA98

— News18Lokmat (@News18lokmat) August 24, 2021

तालिबानने अफगाणिस्तानचा ताबा घेतल्यानंतर भारतीयांना मायदेशी आणण्यासाठी प्रयत्न सुरू आहेत. भारतीय हवाई दलाकडून ही मोहीम पार पाडली जात आहे. या बचाव मोहिमेदरम्यान भारताच्या एका गुप्त ठिकाणाची चर्चा सुरू आहे. या ठिकाणाबाबत याआधी फारशी चर्चा झाली नव्हती.

पवित्र श्री गुरु ग्रंथ साहिबही घेऊन आले. शेवटच्या सहा ग्रंथांपैकी असलेल्या तीन ग्रंथांना अफगाणिस्तानातून बाहेर काढण्यात आलं. pic.twitter.com/vq8pdVUWCM

— News18Lokmat (@News18lokmat) August 24, 2021

काबूल विमानतळावर असलेल्या अफगाण नागरिकांच्या प्रचंड गर्दीमुळे भारतीयांना मायदेशी आणण्यासाठी गेलेल्या सी-17 या एअरक्राफ्टला आपला मार्ग बदलावा लागला. ताजिकिस्तानमधील गिस्सार सैन्य एअरोड्रोमवर भारताचे एकमेव परदेशी लष्करी तळ आहे. गिस्सार एअरोड्रोम अथवा Ayni हवाई तळ हा ताजिकिस्तानची राजधानी दुशांबे जवळील एका गावात आहे.