राहुल आणि सोनिया गांधी गोव्यात, दिल्लीतलं प्रदूषण टाळण्यासाठी घेतला निर्णय

राहुल आणि सोनिया गांधी गोव्यात, दिल्लीतलं प्रदूषण टाळण्यासाठी घेतला निर्णय

30 जुलैला सोनिया गांधी यांना दिल्लीतल्या सर गंगाराम हॉस्पिटलमध्ये दाखल करण्यात आलं होतं. त्या आधी सप्टेबर महिन्यात त्या रुटीन चेकअपसाठी अमेरिकेतही जावून आल्या होत्या.

  • Share this:

पणजी 20 नोव्हेंबर: काँग्रेसच्या कार्यकारी अध्यक्षा सोनिया गांधी (Sonia Gandhi) आणि राहुल गांधी (Rahul Gandhi) हे आज गोव्यात दाखल झाले. दिल्लीतली हवेची पातळी प्रचंड प्रमाणात खालावली आहे. त्यामुळे सोनिया गांधी यांनी हवापालटाचा सल्ला डॉक्टरांनी दिला होता. त्यामुळे ते गोव्यात आल्याची माहिती सूत्रांनी दिली आहे. सोनिया गांधी यांना दम्याचा त्रास होतो. त्याच बरोबर छातीमध्ये इन्फेक्शनही झालं आहे. त्यामुळे दिल्लीत्या हवेत आजार बळावण्याची शक्यता डॉक्टरांनी व्यक्त केली होती. त्यामुळे काही दिवस दिल्लीबाहेर जाण्याचा निर्णय त्यांनी घेतला आहे.

शुक्रवारी दुपारी सोनि गांधी या गोव्यात दाखल झाल्या. त्यावेळी त्यांच्यासोबत राहुल गांधी सोबत होते. निळी टी शर्ट आणि जिन्स घातलेल्या राहुल गांधी यांच्या हातामध्ये एक बॅगही होती. तर सोनिया गांधी यांनी फेस शिल्ड लावलेलं होतं. सोनिया गांधी यांना दम्याचा त्रास आहे. हिवाळ्यात तो बळावण्याची शक्यता असते. दिल्लीतली प्रचंड थंडी दम्यासाठी जास्तच त्रासदायक असते. गोव्यात हिवाळ्यातलं वातावणर उत्तम असते. त्यामुळे त्यांनी गोव्याची निवड केली आहे.

30 जुलैला सोनिया गांधी यांना दिल्लीतल्या सर गंगाराम हॉस्पिटलमध्ये दाखल करण्यात आलं होतं. त्या आधी सप्टेबर महिन्यात त्या रुटीन चेकअपसाठी अमेरिकेतही जावून आल्या होत्या. त्याही वेळी राहुल गांधी त्यांच्यासोबत गेले होते. त्यामुळे त्यांना संसेदेच्या पावसाळी अधिवेशनातही उपस्थित राहता आलं नव्हतं.

दरम्यान, बिहारमधल्या पराभवानंतर काँग्रेसमध्ये (Congress) सुरू झालेलं भांडण थांबण्याचं नाव घेत नाही. ज्येष्ठ नेते आणि माजी केंद्रीय मंत्री कपिल सिब्बल (Kapil Sibal) यांनी एका मुलाखतीत काँग्रेस नेतृत्वाच्या कार्यशैलीबद्दल तीव्र नाराजी व्यक्त केली होती. त्यानंतर गांधी घराण्याशी एकनिष्ठ असलेल्या नेत्यांनी सिब्बलांवर हल्लाबोल केला. ज्येष्ठ नेते मल्लिकार्जुन खरगे यांनीही सिब्बल यांच्यावर जोरदार टीका केलीय. अशा वाचाळ नेत्यांमुळेच पक्षाचं नुकसान होत असल्याचं त्यांनी म्हटलं आहे.

खरगे म्हणाले, सगळ्यांनी एकत्र येत निवडणूक लढली होती. मात्र पराभवानंतर काही नेते हे नेतृत्वाला दोष देत आहेत हे योग्य नाही. अशा काळात सगळ्यांनी एकत्र आलं पाहिजे. अशा वक्तव्यांमुळे आणि नेत्यांमुळे पक्षाचं नुकसान होतं. पक्ष कमकूवत बनतो असंही ते म्हणाले. काँग्रेसची विचारधारा नष्ट झाली तर आपण सगळेच संपून जाऊ असंही ते म्हणाले.

या मुलाखतीमध्ये कपिल सिब्बल यांनी राहुल गांधी(Rahul Gandhi) यांच्या नेतृत्वावरच प्रश्न चिन्ह निर्माण केलं होतं. परिस्थिती आता हाताबाहेर गेली असून आत्मचिंतन करण्याची वेळही निघून गेल्याचं मत त्यांनी व्यक्त केलं होतं. त्यांच्या या मुलाखतीनंतर राहुल गांधी यांचे समर्थक आणि गांधी घराण्याशी एकनिष्ठ असलेल्या नेत्यांनी सिब्बल यांच्या विरुद्ध हल्लाबोल केला आहे. उगाच फुकाचे सल्ले देण्यापेक्षा अशा नेत्यांनी काँग्रेस सोडून जावं अशी टीका काँग्रेसचे ज्येठ नेते अधीर रंजन चौधरी यांनी केली होती.

Published by: Ajay Kautikwar
First published: November 20, 2020, 4:11 PM IST

ताज्या बातम्या