पणजी, 8 जून : गोव्यामध्ये उन्हाळ्याच्या सुटीसाठी पर्यटकांची झुंबड उडाली आहे. या सगळ्या धामधुमीतच गोव्याचं विमानतळ दोन तासासाठी बंद ठेवावं लागलं. एका लढाऊ विमानाने उड्डाण करण्याच्या वेळी विमानाच्या इंधनाची टाकी खाली पडली. या इंधनाच्या टाकीला आग लागली. त्यामुळे काही वेळ गोव्याचं विमानतळ बंद ठेवावं लागलं.
या विमानतळावरचे कर्मचारी लवकरच ही वाहतूक सुरू करण्याच्या प्रयत्नात आहेत. भारतीय हवाई दलाचं मिग 29 - K या विमानाची टाकी खाली पडल्यामुळे हा अपघात झाला. वेळीच सुऱक्षेचे उपाय केल्यामुळे कोणतंही नुकसान झालं नाही.
गोव्याच्या विमानतळावर विमान वाहतूक सुरू करण्याचे वेगाने प्रयत्न सुरू आहेत,असं नौदलाच्या प्रवक्त्यांनी सांगितलं.
Spokesperson Navy: Goa Airport closed temporarily for a few hours in view of fire caused by a drop tank of MiG 29K which got detached whilst taking off. All efforts in hand to resume flights as soon as possible. MiG 29K fighter aircraft is safe. (Pic courtesy: Spokesperson Navy) pic.twitter.com/dpPbMhBodV
— ANI (@ANI) June 8, 2019
उन्हाळ्याच्या सुटीमुळे गोव्यात आलेल्या पर्यटकांना विमानांच्या उड्डाणासाठी काही काळ थांबावं लागलं. त्याचवेळी विमानांचं लँडिंगही थांबल्यामुळे पर्यटकांची गैरसोय झाली.
(ही बातमी अपडेट होत आहे.)
=============================================================================================
VIDEO: केरळमध्ये पंतप्रधान मोदींची कमळाच्या फुलांनी तुला
बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा
