सर्वात मोठी बातमी! पोलिसांची हत्या करणाऱ्या गँगस्टर विकास दुबेला अखेर अटक

नवी दिल्ली, 09 जुलै: कानपूर हत्याकांडमधील मुख्य आरोपी गँगस्टर विकास दुबेच्या मुस्क्या आवळण्यात पोलिसांना यश मिळालं आहे. उज्जैनी इथे पोलिसांनी विकास दुबेला अटक केली. गेल्या काही दिवसांपासून विकास दुबे पोलिसांना चकवा देऊन फरार होत होता. उत्तर प्रदेश पोलीस एडीजी कायदा व सुव्यवस्था प्रशांत कुमार यांनी सांगितले की, विकासचा उजवा हात अमर दुबे बुधवारी सकाळी झालेल्या चकमकीत ठार झाला. तर आज सकाळी विकासच्या दोन अन्य साथीदारांना चकमकीत ठार करण्यात पोलिसांना यश आलं आहे.

Vikas Dubey, the main accused in #KanpurEncounter case, has been arrested at a police station in Ujjain (Madhya Pradesh), say UP Govt Sources pic.twitter.com/txjmhzJhmW

— ANI (@ANI) July 9, 2020

गेल्या काही दिवसांपासून विकास दुबे पोलिसांना चकवा देत होता. पोलिसांच्या नाकावर टिचून त्यानं रिक्षातून पळ काढल्याची माहिती मिळाली होती. एन्काउंटरच्या भीतीनं दिल्ली पोलीस किंवा मीडियासमोर सरेंडर करेल अशी माहिती मिळत होती. उज्जैनी इथल्या महाकाली मंदिरात विकास दुबेला पकडण्यात आलं आहे. कानपूरच्या बिकरू गावात गँगस्टर विकास दुबेला पकडण्यासाठी गेलेल्या पोलीस पथकावर झालेल्या गोळीबारात एका अधिकाऱ्यासह 8 पोलीस ठार झाले. या घटनेपासून यूपी पोलीस आणि एसटीएफची टीम विकास दुबेचा शोध घेत होते. यासंदर्भात पोलिसांनी बुधवारी सकाळी दिल्लीजवळील फरीदाबादमध्ये छापा टाकला. विकास दुबे इथं असल्याची माहिती पोलिसांना मिळाली. मात्र, पोलीस येण्यापूर्वीच तो तिथून पळून गेला. या छाप्यात फरीदाबाद पोलिसांनी विकास दुबेच्या तीन साथीदारांना अटक केली होती. उज्जैनी इथे गुरुवारी सकाळी विकास दुबेच्या मुस्क्या आवळण्यात अखेर यश आलं.