मराठी बातम्या /बातम्या /देश /

Farmer Protest : पॉप स्टार रिहानाला भारताच्या या माजी क्रिकेटपटूनं सुनावलं, दिलं ‘हे’ उत्तर!

Farmer Protest : पॉप स्टार रिहानाला भारताच्या या माजी क्रिकेटपटूनं सुनावलं, दिलं ‘हे’ उत्तर!

आंतरराष्ट्रीय पॉप स्टार रिहानानं (Rihanna) भारतामध्ये सुरु असलेल्या शेतकरी आंदोलनाच्या बाजूनं ट्वीट केलं आहे. टीम इंडियाचा माजी क्रिकेटपटू प्रज्ञान ओझानं (Pragyan Ojha) या विषयावर रिहानाला चोख उत्तर दिलं आहे.

आंतरराष्ट्रीय पॉप स्टार रिहानानं (Rihanna) भारतामध्ये सुरु असलेल्या शेतकरी आंदोलनाच्या बाजूनं ट्वीट केलं आहे. टीम इंडियाचा माजी क्रिकेटपटू प्रज्ञान ओझानं (Pragyan Ojha) या विषयावर रिहानाला चोख उत्तर दिलं आहे.

आंतरराष्ट्रीय पॉप स्टार रिहानानं (Rihanna) भारतामध्ये सुरु असलेल्या शेतकरी आंदोलनाच्या बाजूनं ट्वीट केलं आहे. टीम इंडियाचा माजी क्रिकेटपटू प्रज्ञान ओझानं (Pragyan Ojha) या विषयावर रिहानाला चोख उत्तर दिलं आहे.

  • Published by:  News18 Desk

मुंबई, 03 फेब्रुवारी : आंतरराष्ट्रीय पॉप स्टार रिहानानं (Rihanna) भारतामध्ये सुरु असलेल्या शेतकरी आंदोलनाच्या बाजूनं ट्वीट केलं आहे. रिहानानं आंदोलनाच्या ठिकाणी इंटरनेट बंद करण्याच्या मुद्यावर टीका केली आहे. रिहानानं हे ट्वीट करताच भारतामध्ये या विषयावर दोन गटातमध्ये वाद सुरु झाला आहे. काही जणांनी रिहानाच्या भूमिकेला पाठिंबा दिला आहे. तर काहींनी या प्रकरणात तिच्यावर टीका केली आहे. टीम इंडियाचा माजी क्रिकेटपटू प्रज्ञान ओझानं (Pragyan Ojha) या विषयावर ट्विट करत रिहानाला चोख उत्तर दिलं आहे.

शेतकरी आंदोलनाला पाठिंबा देणारी रिहाना ही पहिली आंतरराष्ट्रीय सेलिब्रेटी आहे. रिहानानं ‘सीएनएन’ मधील एक लेख ट्विट करत ‘आपण या विषयावर का बोलत नाही? #FarmerProtest असं ट्विट केलं आहे. रिहानाचे ट्विटरवर 10 कोटी फॉलोअर्स आहेत. रिहानाचं हे ट्वीट अगदी थोड्या वेळात व्हायरल झालं. अनेकांनी त्याला रिट्वीट केलं आहे. बॉलिवूड अभिनेत्री स्वरा भास्कर हिनं रिहानाच्या ट्विटची प्रशंसा केली तर कंगना रणौतनं तिच्यावर टीका केली आहे.

(हे वाचा-420 विकेट्स घेणारा बॉलर निवृत्त, धोनीच्या कॅप्टन्सीमध्ये केलं होतं पदार्पण)

कंगना रणौत पाठोपाठ टीम इंडियाचा माजी स्पिनर प्रज्ञान ओझाही मैदानात उतरला आहे. त्यानं रिहानाला ट्विटरवरच उत्तर दिलं आहे. 'मला खात्री आहे की, या प्रकरणावर लवकरच तोडगा निघेल. आमच्या अंतर्गत प्रकरणात बाहेरच्या व्यक्तीनं हस्तक्षेप करण्याची गरज नाही. माझ्या देशाला शेतकऱ्यांचा नेहमीच अभिमान आहे. त्यांचं किती महत्त्व आहे, याची देखील देशाला जाणीव आहे,' असं उत्तर ओझा यानं दिलं आहे.

(हे वाचा-शेतकरी आंदोलनावर ट्वीटणाऱ्या सेलेब्रिटींना परराष्ट्र मंत्रालयाचं खरमरीत उत्तर)

प्रज्ञान ओझानं फेब्रुवारी 2020 मध्ये आंतरराष्ट्रीय आणि देशांतर्गत क्रिकेटमधून निवृत्ती घेतली होती. त्यानं मुंबईमध्ये 2013 साली वेस्ट इंडिज विरुद्ध शेवटची टेस्ट खेळली होती. या मॅचमध्ये त्याला ‘मॅन ऑफ द मॅच’ पुरस्कारानं गौरवण्यात आलं होतं.

First published:

Tags: Farmer protest, Social media, Tweet