आधी Facebook वर मैत्री, नंतर VIDEO Call वर केली मजा; आणि मग.... वाचा, पुढे काय घडलं?

माहितीनुसार, सायबर गुन्हेगारांनी या व्यावसायिकाकडून सव्वा लाख रुपये उकळले होते आणि दिवसेंदिवस त्यांची मागणी वाढू लागली होती. यानंतर हा व्यावसायिक अस्वस्थ झाला होता. कंकडबाग पोलीस ठाण्यातील अशोक नगरमधील या व्यावसायिकाला महिलेसोबत व्हिडिओवर अश्लिलतेचा प्रकार करणे चांगलेच महागात पडले. या महिलेने स्क्रीन रेकॉर्डिंग करुन हा व्हिडिओ व्हायरल करायची धमकी दिली आणि यानंतर त्याला ब्लॅकमेल करत होती. याचप्रकारे महिलेने व्यावसायिकाकडून सव्वा लाख रुपये उकळले. यानंतरही तिच्याकडून सतत पैशाची मागणी वाढत होती. या व्यावसायिकाने पैशाची मागणी पूर्ण करण्यास असमर्थता व्यक्त केली तर त्याला सायबर सेलचा अधिकारी असल्याचे भासवून एका व्यक्तीने फोन केला. तसेच तुरुंगात पाठविण्याची धमकी दिली आणि वेगवेगळ्या क्रमांकावर पैसे जमा करण्यासाठी दबाव टाकला.