अवघ्या 2000 रुपयांसाठी वृद्ध प्यायला नाल्याचं पाणी; Shocking Video Viral

भोपाळ, 16 जानेवारी : मध्य प्रदेशातील (Madhya Pradesh News) विदिशा जिल्ह्यातील एक व्हिडीओ व्हायरल (Video Viral) होत आहे. या व्हिडीओमध्ये एक वृद्ध नाल्याचा पाणी हातात घेऊन पित असताना दिसत आहे. हा व्हिडीओ एका अटीशी संबंधित असून तीन दिवस जुना असल्याचं सांगितलं जात आहे. मिळालेल्या माहितीनुसार, ही घटना विदिशा जिल्ह्यातील जावती गावातील आहे. गावातील सरपंचने एक विचित्र अट ठेवली होती. त्याच्या अटीनुसार, गावातून निघणाऱ्या नाल्याचा पाणी पिणाऱ्याला दोन हजार रुपये दिले जातील. यामुळे गावातील वृद्ध पन्नालाल नाल्याचं पाणी पिण्यासाठी गेला. या घटनेचा लोकांनी व्हिडीओदेखील शूट केला. आता तो व्हायरल होत आहे. पोलिसांनी दिलेल्या माहितीनुसार, अद्याप या प्रकरणात कोणीही तक्रार केलेली नाही.

#मध्यप्रदेश विदिशा के इस सरपंच पर पुलिस करवाई होनी चाहिए। जबकि बीमारियां उरूज पर है और ये सरपंच शर्त हारने पर किसान को गंदी नाली का पानी पिला रहा है। pic.twitter.com/Ad5txNxZod

— Abdul Mujeeb (@abdulmujeebmse1) January 16, 2022

व्हिडीओमध्ये दिसत आहे की, वृद्ध व्यक्ती नाल्याजवळ बसला आहे आणि दोन्ही हातात पाणी भरून घेत आहे. धक्कादायक म्हणजे यावेळी आजूबाजूला उभे असलेले लोक त्याला शाबासकी देताना ऐकू येत आहे. यानंतर एक व्यक्ती वृद्धाच्या पाठीवर हात ठेवून दुसरीकडे घेऊन गेला. हा व्हिडीओ कोणी व्हायरल केला याबाबत माहिती मिळवली जात आहे.