LIVE NOW

LIVE Delhi Violence: दिल्ली हिंसाचारात आतापर्यंत 27 जणांचा मृत्यू; पोलिसांचं अटकसत्र सुरू

दिल्लीच्या काही भागात गेल्या दोन दिवसांपासून सुरू असलेल्या हिंसाचारात बळींची संख्या वाढत आहे.

Lokmat.news18.com | February 26, 2020, 10:18 PM IST
facebook Twitter Linkedin
Last Updated February 26, 2020
auto-refresh

Highlights

10:18 pm (IST)

दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया यांनी दंगलग्रस्त ईशान्य दिल्लीत पाहणी केली. ही दंगल दिल्लीबाहेरच्या समाजकंटकांनी घडवल्याचं वक्तव्य केजरीवाल यांनी केलं आहे.


10:15 pm (IST)

हे काम दिल्लीकरांचं नाही, बाहेरच्या व्यक्तींचं - केजरीवाल

दंगल भडकवण्याचं काम दिल्लीच्या स्थानिकांचं नाही. दिल्लीच्या लोकांना हिंसाचार नको आहे. सामान्य माणसाला हिंसा नको आहे. समाजकंटक, राजकीय आणि अतिरेकी विचारांच्या घटकांनी हे घडवलं आहे, असं दिल्लीचे मुख्यमंत्री अरविंद केजरीवाल म्हणाले.

दिल्लीच्या दगडफेकीत मृत्युमुखी पडलेल्या कॉन्स्टेबल रतन लाल यांच्या कुटुंबीयांना एक कोटी रुपयांची मदत केजरीवाल सरकारने जाहीर केली. त्यांच्या कुटुंबातील एकाला नोकरीसुद्धा देण्यात येईल, असं दिल्ली सरकारतर्फे सांगण्यात आलं.

 

10:09 pm (IST)

दिल्ली हिंसाचार बळींची संख्या 27 वर

राजधानी दिल्लीत उसळलेल्या हिंसाचाराने आतापर्यंत 27 बळी घेतले आहेत. पोलिसांनी अटकसत्र सुरू केलं असून आतापर्यंत 106 जणांना अटक केली आहे.  दंगल भडकवल्याप्रकरणी 18 FIR दाखल करण्यात आले आहेत.

7:59 pm (IST)

अजिल डोवल ईशान्य दिल्लीच्या रस्त्यावर

पोलीस त्यांचं काम करत आहेत. पंतप्रधान आणि गृहमंत्र्यांच्या आदेशावरूनच आम्ही इथे आलो आहोत, असं राष्ट्रीय सुरक्षा सल्लागार अजित डोवल म्हणाले.

7:54 pm (IST)

इन्शाल्लाह! यहाँ पर अमन कायम होगा - अजित डोवल 

दंगलग्रस्त भागात पोहोचले NSA अजित डोवल. राष्ट्रीय सुरक्षा सल्लागार असणाऱ्या डोवल यांनी ईशान्य दिल्लीच्या हिंसाचारग्रस्त भागाची पाहणी केली. तिथल्या नागरिकांशी संवाद साधला. लोकांमध्ये ऐक्याची भावना कायम आहे. कुणामध्ये वैर नाही. काही समाजकंटकांमुळे दंगली उसळल्या आहेत. इन्शाल्लाह यहाँ पे अमन कायम होगा!

 

 


7:40 pm (IST)

दिल्लीत बोर्डाची परीक्षा पुढे 

CBSE परीक्षेचे काही पेपर बोर्डाने पुढे ढकलले आहेत. ईशान्य दिल्ली भागातल्या शाळांमध्ये बोर्डाची परीक्षा पुढे ढकलण्यात आली आहे.


7:36 pm (IST)

अरविंद केजरीवाल दंगलग्रस्त भागात

मुख्यमंत्री अरविंद केजरीवाल ईशान्य दिल्लीच्या दंगलग्रस्त भागात दाखल झाले आहेत. परिस्थितीचा अंदाज घेऊन, माहिती घेऊन मगच त्याविषयी बोलेन, असं ते म्हणाले.


7:33 pm (IST)

दिल्ली अजूनही अशांतच

ईशान्य दिल्लीत गेल्या दोन दिवसापासून सुरू असलेल्या  हिंसाचारात आतापर्यंत 23 जणांचा बळी गेला आहे. सुधारित नागरिकत्व कायद्याच्या (CAA) विरोधात सुरू असलेल्या आंदोलनानं हिंसक वळण घेतलं आणि दिल्लीचा काही भाग पेटला. 

Load More
नवी दिल्ली, 26 फेब्रुवारी : दिल्लीच्या काही भागात गेल्या दोन दिवसांपासून सुरू असलेल्या हिंसाचारात बळींची संख्या वाढत आहे. सुधारित नागरिकत्व कायद्याच्या (CAA) विरोधात सुरू असलेल्या आंदोलनानं हिंसक वळण घेतलं आणि दिल्लीचा ईशान्य भाग पेटला. अजूनही अनेक भागात तणावाचं वातावरण आहे. दगडफेक, जाळपोळ, हिंसाचार सुरू आहे. 56 पोलिसांसह 200 जण जखमी असल्याची माहिती आहे. पोलिसांनी अटकसत्र सुरू केलं आहे. दिल्लीत निमलष्करी दल तैनात करण्यात आलं आहे. विरोधी पक्षांनी सरकारवर निशाणा साधला आहे.