डॉक्टरच निघाला कोरोना पॉझिटिव्ह, 800 लोकांचा जीव धोक्यात

नवी दिल्ली, 27 मार्च : कोरोनाव्हायरचा धोका भारतात दिवसेंदिवस वाढत आहे. आज कोरोनाग्रस्त रुग्णांचा आकडा 600हून अधिक झाला आहे. या सगळ्यात दिल्लीतील एका डॉक्टरालाच कोरोनाची लागण झाली आहे. यामुळं तब्बल 800 लोकांना आयसोलेशनमध्ये ठेवण्यात आले आहे. या डॉक्टराचे मोहनपुरी भागातील मोहल्ला येथे क्लिनिक होते. त्यामुळे त्याच्याकडून उपचार घेतलेल्या रुग्णांचा शोध सध्या पोलीस आणि आरोग्य विभागाचे कर्मचारी घेत आहेत. असे सांगितले जात आहे की सौदी अरेबियातून परतेल्या एका महिलेवर या डॉक्टरांनी उपचार केले होते. मोहल्ला क्लिनिकच्या डॉक्टरांना या महिलेकडूनच कोरोना संक्रमण झाले. त्यानंतर आता या डॉक्टरांची पत्नी व मुलगी यांनाही कोरोना झाला आहे. आता मौजपूर परिसरातील सुमारे 800 लोकांना आयसोलेशनमध्ये ठेवण्यात आले आहे. त्यामुळे 12 मार्च ते 18 मार्च दरम्यान, या डॉक्टरांकडून उपचार घेतलेल्या सर्व रुग्णांना क्वारंटाईनमध्ये ठेवण्यात येणार आहे. तसेच कोणत्याही प्रकारची समस्या उद्भवल्यास तातडीने रुग्णालयात जाण्याची सूचना देण्यात आली आहे. दरम्यान, कोरोना पॉझिटिव्ह रुग्ण परदेशात गेला होता की नाही हे अद्याप कळू शकले नाही.

मौजपुर के मोहनपुरी इलाके के मोहल्ला क्लीनिक में कोरोना वायरस का एक पॉजिटिव मरीज़ मिलने के बाद सभी को ये निर्देश दिया जाता है कि जो लोग 12 मार्च से 18 मार्च तक क्लीनिक आएं हैं वो खुद को 15 दिनों के लिए होम-क्वारंटीन कर लें: S.D.M शाहदरा

— ANI_HindiNews (@AHindinews) March 25, 2020

मोहल्ला क्लिनिकमध्ये केले जातात प्रथमोपचार दिल्ली सरकार इथल्या बर्‍याच भागात मोहल्ला क्लिनिक चालवले जाते. जेथे स्थानिक लोकांना प्रथमोपचार सेवा दिल्या जातात. दिल्लीत गेल्या चोवीस तासात पाच कोरोनामुळे संसर्गग्रस्त रुग्ण आढळले आहेत, त्यानंतर कोरोना-संक्रमित लोकांची संख्या येथे 35 झाली आहे. त्यापैकी एक परदेशी नागरिक आहे. दिल्लीचे मुख्यमंत्री अरविंद केजरीवाल यांनी माध्यमांशी बोलताना ही माहिती दिली.