नवी दिल्ली, 07 जानेवारी : जवाहरलाल नेहरु युनिव्हर्सिटी कॅम्पसमध्ये झालेल्या मारहाण आणि हल्ल्याचे पडसाद संपूर्ण देशभरात उमटत आहे. या हिंसाचाराविरोधात आता बॉलिवूडमधील अनेक सेलिब्रेटी रस्त्यावर उतरले असून आता स्टार अभिनेत्री दीपिका पदूकोणही जेएनयूमध्ये विद्यार्थ्यांच्या भेटीला दाखल झाली आहे. दीपिकाने साबरमती हॉस्टेलमध्ये जाऊन विद्यार्थ्यांची भेट घेतली आणि झालेल्या प्रकाराविरोधात निषेध वर्तवला आहे. यावेळी दीपिकाच्याबरोबर कन्हैया कुमारही उपस्थित होता. दरम्यान, दीपिका जेएनयूमध्ये गेल्याच्या बातम्या माध्यमांवर पसरल्यानंतर नेटकऱ्यांनी दीपिकाला ट्रोल करण्यास सुरुवात केली आहे. छपाक सिनेमावर बंदी आणावी यासाठी सोशल मीडियावर दीपिका विरोधात ट्रोलिंग सुरू झालं आहे.

काही नेटकरी दीपिकाच्या विरोधात बोलत आहेत तर काही नेटकऱ्यांनी दीपिकाला पाठिंबा दिला आहे. त्यामुळे ट्वीटरवर #boycottchhapaak आणि #ISupportDeepika असे दोन हॅशटॅग ट्रेंड करत आहेत. छपाक सारखा सिनेमा करणारी दीपिका तुकडे-तुकडे गँगला भेटण्यासाठी गेली अशा टीका करत नेटकऱ्यांनी दीपिकाचा छपाक सिनेमा पाहू नका असा ट्रेंड सुरू केला आहे.

रविवारी 5 जानेवारीला रात्री काही बुरखाधारी लोकांनी युनिव्हर्सिटी कॅम्पसमध्ये घुसून विद्यार्थी आणि प्राध्यापकांना मारहाण केली. या हल्ल्याच्या निषेध करण्यासाठी बॉलिवूडमधील अनेक सेलिब्रेटी रस्त्यावर उतरले आहेत. काल रात्रभर मुंबईमध्ये अनेक सेलिब्रेटी आंदोलन करताना दिसले. या दरम्यानं दिग्दर्शक विशाल भारद्वाजनं या आंदोलनात एक कविता सादर केली. ज्याचा व्हिडीओ सोशल मीडियावर खूपच व्हायरल होत आहे.

#WATCH Delhi: Deepika Padukone joins students at Jawaharlal Nehru University, during their protest against #JNUViolence. pic.twitter.com/Ytc28MCGHT

— ANI (@ANI) January 7, 2020

Delhi: Deepika Padukone joins students at Jawaharlal Nehru University, during their protest against #JNUViolence. pic.twitter.com/9P6IMzs0AS

— ANI (@ANI) January 7, 2020

#WATCH Delhi: Deepika Padukone outside Jawaharlal Nehru University, to support students protesting against #JNUViolence. pic.twitter.com/vS5RNajf1O

— ANI (@ANI) January 7, 2020

जेएनयू हल्ला प्रकरणी बॉलिवूडकारांनी केलेल्या आंदोलनात दिग्दर्शनात दिग्दर्शक विशाल भारद्वाज यांनी एक कविता वाचली. ज्याचा व्हिडीओ सध्या सोशल मीडियावर खूप व्हायरल होताना दिसत आहे. याशिवाय ही कविता विशाल यांनी त्याच्या ऑफिशिअल ट्विटर अकाउंटवरही शेअर केली आहे. या कवितेच्या ओळी आहेत. 'हम मायूस नहीं हैं, हम हैरान नहीं, जैसा सोचा था तुम वैसे ही निकले' विशाल यांनी या कवितेतून भावुक अंदाजात JNU हल्ला प्रकरणी विरोध जाहिर केला. त्यांचा हा व्हिडीओ सोशल मीडियावर खूप व्हायरल होत आहे. युट्यूब चॅनेल मोजो स्टोरीनं हा व्हिडीओ पब्लिश केला आहे.

विशाल भारद्वाज यांनी कवितेच्या काही ओळी त्यांच्या ट्विटर अकाउंटवर शेअर केला आहे. यावेळी त्यांनी कॅप्शनमध्ये लिहिलं, अशाप्रकारे कायद्याची पायमल्ली करण्याला जबाबदार कोण आहे. विशाल यांची ही कविता सर्वांनाच आवडली असून हजारो लोकांनी ही कविता आतापर्यंत शेअर केली आहे.

हम मायूस नहीं हैं, हम हैरान नहीं

जैसा सोचा था तुम वैसे ही निकले

रात में सूरज लाने का वादा करके

दिन में रात उगा कर दिखला दी तुमने

पानी पानी कह के बरसाया तेज़ाब

और इक आग लगा कर दिखला दी तुमने

हम मायूस नहीं हैं हम हैरान नहीं

Who is accountable for this lawlessness? #JNUattack

— Vishal Bhardwaj (@VishalBhardwaj) January 6, 2020

JNU मध्ये झालेल्या हल्ल्याचा याआधीही अनिल कपूर, आलिया भट, राजकुमार राव, ट्विंकल खन्ना, अनुराग कश्यप आणि सोनम कपूर यांनी निषेध केला होता. या हल्ल्याला सर्वांनीच भ्याड, भीतीदायक आणि निर्दयी म्हटलं आहे. असा भ्याड हल्ला करणाऱ्या व्यक्तींवर लवकरात लवकर कारवाई करण्याची मागणी सर्व स्तरातून होत आहे.

First Published: Jan 7, 2020 09:03 PM IST