मराठी बातम्या /बातम्या /देश /

कालीचरणला दोन दिवसांची पोलीस कोठडी, न्यायालयात समर्थकांनी दिल्या ‘जय श्रीराम’च्या घोषणा

कालीचरणला दोन दिवसांची पोलीस कोठडी, न्यायालयात समर्थकांनी दिल्या ‘जय श्रीराम’च्या घोषणा

kalicharan maharaj

kalicharan maharaj

राष्ट्रपित्याबद्दल जाणीवपूर्वक अपशब्द काढणाऱ्या कालीचरणला न्यायालयाने दोन दिवसांची पोलीस कोठडी सुनावली आहे. कोर्ट परिसरात त्याच्या समर्थकांनी जोरदार घोषणाबाजी केली.

    रायपूर, 30 डिसेंबर: राष्ट्रपिता (Father of Nation) महात्मा गांधींबद्दल (Mahatma Gandhi) अपशब्द (insult) काढणाऱ्या कालीचरणला (Kalicharan) न्यायालयानं दोन दिवसांच्या पोलीस कोठडीची (Police Custody) शिक्षा सुनावली आहे. कालीचरणला न्यायालयात आणताना त्याच्या समर्थकांनी (Followers) गर्दी केली होती. न्यायालयात हजर करण्यात येत असताना कार्यकर्त्यांनी जोरदार घोषणा दिल्या. ‘जय श्रीराम’च्या घोषणा देणाऱ्या कार्यकर्त्यांच्या गर्दीतून वाट काढताना पोलीस प्रशासनाला चांगलाच संघर्ष करावा लागत असल्याचं चित्र होतं.  काय आहे प्रकरण छत्तीसगडची राजधानी रायपूर येथे धर्मसंसद कार्यक्रमाचं आयोजन करण्यात आलं होतं. या कार्यक्रमात शेवटच्या दिवशी स्वतःला संत म्हणवणाऱ्या कालीचरणने महात्मा गांधींबद्दल अपशब्द वापरत देशाच्या नथुराम गोडसेची भलामण केली होती. नथुराम गोडसे यांनी योग्य काम केलं असं म्हणत त्यांचे आपण आभार मानायला हवेत, अशा अर्थाचं वक्तव्य केलं होतं.. कालीचरणचे वादग्रस्त विधान व्हायरल झाल्यानंतर त्याच्यावर रायपूरमध्ये गुन्हा दाखल करण्यात आला होता. काय म्हणाला कालीचरण इस्लामचे ध्येय राजकारणाच्या माध्यमातून राष्ट्रावर कब्जा करणं आहे. 1947 मध्ये आमच्या डोळ्यांसमोर त्यांनी कब्जा केला होता, असं तो म्हणाले. आधी इराण, इराक आणि अफगाणिस्तान ताब्यात घेतलं. राजकारणाच्या जोरावर त्यांनी बांगलादेश आणि पाकिस्तान काबीज केलं. मोहनदास करमचंद गांधी यांची हत्या केल्याबद्दल मी नथुराम गोडसेला सलाम करतो, असे वादग्रस्त वक्तव्य त्याने केलं होतं.  हे वाचा - दोन दिवसांची पोलीस कोठडी कालीचरणची चौकशी करण्यासाठी त्याच्या पोलीस कोठडीची मागणी सरकारी वकिलांनी केली होती. ती मागणी मान्य करत न्यायालयाने कालीचरणला पुढचे 2 दिवस पोलीस कोठडीत ठेवण्याचे आदेश दिले आहेत. पोलीस या प्रकरणी अधिक चौकशी करत आहेत. 
    Published by:desk news
    First published:

    Tags: Court, Mahatma gandhi, Police

    पुढील बातम्या