तबलिगीच्या विदेशी प्रचारकांना दणका, गृहमंत्रालयाने 960 जणांना केलं ब्लॅक लिस्ट

नवी दिल्ली 02 एप्रिल : दिल्लीतल्या तबलिगी जमातच्या कार्यक्रमामुळे सगळ्यात देशात कोरोनाचा प्रसार वेगात झालाय. रूग्णांच्या संख्येत मोठी वाढ झालीय. या कार्यक्रमात सहभागी होण्यासाठी इंडोनेशिया, मलेशिया, सोदी अरेबिया, बांगलादेशसह अनेक देशांमधून मौलाना प्रचारासाठी आले होते. यातल्या 960 जणांवर केंद्रीय गृहमंत्रालयाने मोठी कारवाई केली आहे. त्या सगळ्यांना केंद्र सरकारने काळ्या यादीत टाकलं असून त्यांचा व्हिसाही रद्द करण्यात आला आहे. केंद्रीय गृहमंत्री अमित शहा यांनी ही घोषणा केली आहे. या कार्यक्रमासाठी 1306 विदेशी मौलाना भारतात आले होते. सगळ्यांना पर्यटक व्हिसा मिळाला होता. या व्हिसावर आलेल्यांना धर्म प्रचार आणि प्रसारासाठी कुठलंही काम करता येत नाही. त्यामुळे त्यांनी व्हिसाच्या नियमाचं उल्लंघन केल्याचं स्पष्ट झालं होतं त्यामुळे गृहमंत्रालयाने ही कारवाई केली आहे. दिल्लीतल्या ‘तबलिगी जमात’मुळे देशभर कोरोना पसरला हे आता सिद्ध झालं. या कार्यक्रमात जे सहभागी झाले होते आणि त्यांच्या जे लोक संपर्कात आले होते अशा तब्बल 400 लोकांना कोरोनाची लागण झाल्याचं स्पष्ट झालं. सर्वाधिक वेगाने हा व्हायरस पसरण्याचं हे देशातलं पहिलच उदाहरण आहे. या परिषदेत सहभागी झालेल्या आणि जमातचे कार्यकर्ते अशा 9 हजार जणांची ओळख पटविण्यात गृहमंत्रालयाला यश आलं आहे. यात 1306 जण विदेशी नागरीक असून त्या सगळ्यांना क्लारंटाइन करण्यात आल्याची माहिती गृहमंत्रालयाच्या वतीने आज देण्यात आली.

गृह मंत्रालय द्वारा पर्यटक वीजा पर तब्लीगी गतिविधियों में लिप्त पाए जाने के कारण 960 विदेशियों को ब्लैक लिस्ट किया गया है और साथ ही उनका भारतीय वीजा भी रद्द कर दिया गया है।

— गृहमंत्री कार्यालय, HMO India (@HMOIndia) April 2, 2020

जमातच्या कार्यक्रमात गेलेले आणि त्यांच्या संपर्कात आलेल्यांना शोधण्यासाठी देशभर मोहिम राबविण्यात आली होती. त्यांच्या टेस्ट करण्यात आल्या. त्यातून ही माहिती पुढे आली आहे.

In the case of Tablighi Jamaat,Nizamuddin, 960 foreigners have been blacklisted and their tourist visas cancelled after they were found involved in activities related to Tablighi Jamat: Office of the Home Minister https://t.co/Nq2JRCJBli

— ANI (@ANI) April 2, 2020

देशाची राजधानी सध्या कोरोनामुळे हादरली आहे. निजामुद्दीन दर्गा येथे आयोजित कार्यक्रमांमुळे तब्बल 9 हजार लोकांचा जीव धोक्यात येऊ शकतो, अशा शक्यता वर्तवल्या जात आहेत. मात्र आता याबाबत एक धक्कादायक माहिती समोर आली आहे. या कार्यक्रमात मौलाना साद यांनी लॉकडाउनमध्येही गर्दी जमवण्याचे लोकांना आवाहन केले.