भारतातल्या वटवाघळांमध्ये सापडलेला Coronavirus : सरकारने घेतली दखल

भारतातल्या वटवाघळांमध्ये सापडलेला Coronavirus : सरकारने घेतली दखल

भारतातल्या ठराविक जातीच्या वटवाघळांमध्ये Coronavirus सापडला आहे. भारतातल्या कोरोनाच्या साथीशी याचा काही संबंध आहे का? आरोग्य सहसचिव लव अग्रवाल यांनी दिलं स्पष्टीकरण.

  • Share this:

नवी दिल्ली, 15 एप्रिल : भारतातल्या ठराविक जातीच्या वटवाघळांमध्ये Coronavirus सापडला आहे. ICMR आणि पुण्याच्या NIV ने केलेल्या चाचणीत ही बाब उघड झाली होती. त्याची दखल आरोग्य मंत्रालयाने घेतली आहे. आरोग्य खात्याचे सहसचिव लव अग्रवाल यांनी यासंदर्भातल्या माहितीला दुजोरा दिला.

भारतीय वटवाघुळांच्या दोन जातींमध्ये हा विषाणू सापडला आहे. हाच विषाणू Covid-19 च्या आजाराचं कारण आहे. पण भारतात सध्या होणारा दिसणारा Coronavirus चा संसर्ग हा या वटवाघुळांपासून झाला, असं म्हणता येणार नाही, असं लव अग्रवाल म्हणाले.

ICMR प्राण्यांमधल्या कोरोनाच्या विषाणूविषयी आणखी अभ्यास करण्याच्या तयारीत आहे. त्याचा वापर Covid-19 वरच्या उपचारांसाठी आणि अँटीबॉडिजच्या चाचण्यांसाठी त्यांचा हा अभ्यास विचारात घेण्यात येणार आहे, असंही त्यांनी सांगितलं.

जगभरात थैमान घालणारा कोरोनाव्हायरस (coronavirus) नेमका आला कुठून हे स्पष्ट झालेलं नाही. सुरुवातीला साप आणि त्यानंतर वटवाघळाकडून (bats) हा व्हायरस माणसांपर्यंत पोहोचल्याचं म्हटलं जातं आहे. भारतातील 2 जातींच्या वटवाघळांमध्ये कोरोनाव्हायरस सापडला आहे. Indian flying fox आणि Rousettus या वटवाघळांमध्ये कोरोनाव्हायरस असल्याचं दिसून आला आहे. इंडियन काऊन्सिल ऑफ मेडिकल रिसर्च (Indian council of medical research - ICMR) आणि पुण्यातील NIV (National institute of virology) ने एकत्रित हा अभ्यास केला आहे, त्यामध्ये वटवाघळांमध्ये कोरोनाव्हायरसचं अस्तित्व असल्याचं दिसून आलं आहे.इंडियन जर्नल ऑफ मेडिकल रिसर्चमध्ये (indian journal of medical research) हे संशोधन प्रसिद्ध करण्यात आलं आहे.

ICMR-NIV ने 10 राज्यांतील वटवाघळांचे rectal आणि throat swab sample तपासले. यामध्ये केरळ, कर्नाटक, तामिळनाडू, हिमाचल प्रदेश, पंजाब, गुजरात, ओडिशा, तेलंगणा, चंदीगड, पद्दुचेरीचा समावेश आहे.

 वाचा - जगभरातील अशा लॅब जिथे कोरोनासारख्या महाभयंकर व्हायरसवर सुरू आहेत प्रयोग

508 नमुने Indian flying fox तर 78 नमुने Rousettus जातीच्या वटवाघळाचे आहेत. Rousettus वटवाघळाचे 4 आणि Indian flying fox वटवाघळाचे 21 असे एकूण 25 नमुने BtCov पॉझिटिव्ह आलेत.Rousettus वटवाघळाचे चारही नमुने केरळातील आहेत. तर Indian flying fox वटवाघळाच्या पॉझिटिव्ह नमुन्यांपैकी 12 केरळ, 6 पद्दुचेरी, 2 हिमाचल प्रदेश आणि एक तामिळनाडूतील आहे. विशेष म्हणजे या दोन्ही जातीच्या वटवाघळांचे rectal swab samples पॉझिटिव्ह आलेत, तर throat swab samples निगेटिव्ह आलेत.

वटवाघळांची रोगप्रतिकारक प्रणाली विविध व्हायरसशी लढा देण्यासाठी सक्षम असते, मात्र हे व्हायरस जेव्हा एखाद्या माध्यमातून माणसांपर्यंत पोहोचतात तेव्हा ते घातक ठरतात. मात्र या कोरोनाव्हायरसचा माणसांवर दुष्परिणाम होईलच असं आता म्हणणं योग्य ठरणार नाही. कारण वटवाघुळांपासून माणसात संसर्ग होणं ही बाब फार दुर्मिळ आहे, असं अग्रवाल यांनी सांगितलं.

अन्य बातम्या

कोण म्हणतंय कोरोनाला हरवू शकत नाही?वडिलांना पक्षघात असतानाही आई-मुलाने जग जिंकलं

आनंदाची बातमी, यंदा 96 ते 100 टक्के पाऊस होणार; हवामान विभागाचा अंदाज

 

First published: April 15, 2020, 5:15 PM IST

ताज्या बातम्या