S M L

राहुल गांधींसमोर काँग्रेस नतमस्तक, बैठकीत राजीनामा प्रस्ताव नाहीच!

लोकसभा निवडणुकीत झालेल्या दारूण पराभवानंतर काँग्रेसची दिल्लीत महत्त्वपूर्ण बैठक झाली.

News18 Lokmat | Updated On: May 25, 2019 02:24 PM IST

राहुल गांधींसमोर काँग्रेस नतमस्तक, बैठकीत राजीनामा प्रस्ताव नाहीच!

नवी दिल्ली, 25 मे : लोकसभा निवडणुकीत झालेल्या दारूण पराभवानंतर काँग्रेसची दिल्लीत महत्त्वपूर्ण बैठक झाली. या बैठकीत पराभवाची जबाबदारी स्वीकारत काँग्रेस अध्यक्ष राहुल गांधी आपल्या पदाचा राजीनामा देणार असल्याची चर्चा होती. मात्र राहुल गांधींनी राजीनामा प्रस्ताव मांडला नसल्याची माहिती आता काँग्रेसकडून देण्यात आली आहे. काँग्रेसमधील ज्येष्ठ नेत्यांनी केलेल्या विनंतीनंतर राहुल गांधींनी राजीनामा प्रस्ताव मांडला नसल्याची माहिती आहे.

काँग्रेसचं अध्यक्षपद बऱ्याच वर्षांनंतर गांधी घराण्याबाहेरील व्यक्तीकडे दिलं जाण्याची शक्यता वर्तवण्यात येत होती. यामध्ये काँग्रेस नेते आणि पंजाबचे मुख्यमंत्री कॅप्टन अमरिंदर सिंग यांचं नाव सर्वात आघाडीवर असल्याचं बोललं जात होतं. काँग्रेसची देशभरात वाताहत होत असताना अमदरिंदर सिंग यांनी पंजाबमध्ये काँग्रेससाठी चांगली कामगिरी केली आहे. तसंच त्यांची प्रतिमाही काँग्रेससाठी फायद्याची ठरू शकते. या पार्श्वभूमीवर त्यांचं नाव चर्चेत आलं.

लोकसभा निवडणुकीत का झाला काँग्रेसचा पराभव?


काँग्रेसचे अध्यक्ष राहुल गांधी यांचाच त्यांच्या पारंपरिक मतदारसंघ अमेठी इथं पराभव झाला. अनेक राज्यांमध्ये काँग्रेसला शुन्यावर बाद व्हावं लागलं. या मानहानीकारक पराभवानंतर काँग्रेसच्या तीन ज्येष्ठ नेत्यांनी यामागचं कारण सांगितलं आहे.

'आमच्या पक्षाने केलेला नकारात्मक प्रचार हे आमच्या पराभवाचं सर्वात मोठं कारण ठरलं आहे. पंतप्रधान नरेंद्र मोदी यांच्यावर राफेल घोटाळ्याचा आरोप करत आम्ही आक्रमक भूमिका घेतली. चौकीदार चोर है, या मागच्या घोषणेला चांगला प्रतिसादही मिळाला. पण तीच घोषणा आमच्यासाठी नुकसान करणारी ठरली,' असं काँग्रेसच्या ज्येष्ठ नेत्यांनी म्हटलं आहे. याबाबत 'इंडियन एक्स्प्रेस'ने वृत्त दिलं आहे.

दरम्यान, पराभवाची जबाबदारी घेत पक्ष पातळीवर अनेक नेते राजीनामे देत असून राहुल गांधी यांच्या ऑफिसमध्ये काँग्रेस नेत्यांच्या राजीनाम्यांचा पाऊस पडला आहे. 2014 च्या पराभवानंतर काँग्रेस सावरेल असा अंदाज व्यक्त केला जात होता. निवडणुकीच्या आधी राहुल गांधी यांनी आपल्या स्वभावात बदल करत आक्रमक रुप धारण केलं होतं. त्यामुळे काँग्रेस भाजपला कडवी झुंझ देईल असं चित्र निर्माण झालं होतं.

Loading...

राफेलच्या भ्रष्टाचाराचा मुद्दा आणि चौकिदार चोर है ही घोषणा गाजल्याने त्याचा फटका भाजपला बसेल असंही बोललं जात होतं. मात्र या कुठल्याही मुद्याचा परिणाम झाला नाही. या निवडणुकीत काँग्रेसचे अनेक दिग्गज नेते पराभूत झाले. महाराष्ट्रात तर अशोक चव्हाण आणि सुशीलकुमार शिंदे यांच्यासारखे नेते पराभूत झाले. त्यामुळे विविध पदांवर असलेल्या नेत्यांनी राहुल गांधी यांच्याकडे राजीनामे पाठवायला सुरुवात केली आहे.


VIDEO: 'राधाकृष्ण विखे पाटील लवकरच भाजपमध्ये येतील'




बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

Tags:
First Published: May 25, 2019 12:38 PM IST
Loading...

लोकप्रिय बातम्या

Live TV

News18 Lokmat
close