News18 Lokmat

काँग्रेसचं आॅपरेशन 'हात', भाजपचेच 10 आमदार संपर्कात ?

डियुरप्पा यांच्या निर्णयामुळे भाजपचे आमदार नाराज असल्याची सूत्रांनी माहिती दिलीये.

Sachin Salve | News18 Lokmat | Updated On: May 18, 2018 06:46 PM IST

काँग्रेसचं आॅपरेशन 'हात', भाजपचेच 10 आमदार संपर्कात ?

कर्नाटक, 18 मे : कर्नाटकात सत्ता स्थापनेचा हायहोल्टेज ड्रामा सुरू आहे. आता काँग्रेसने भाजपच्या गडावर हल्लाबोल करत 10 आमदार आपल्या संपर्कात असल्याचा दावा करून एकच खळबळ उडवून दिलीये. काँग्रेसने आमदार फोडाफोडीसाठी आॅपरेशन 'हात' सुरू केलंय.

कर्नाटक विधानसभा निवडणुकीत निकालानंतर भाजप सर्वात मोठा पक्ष ठरला पण बहुमताने हुलकावणी दिली. तरीही भाजपने सर्वात मोठा पक्ष म्हणून सत्तेचा दावा केली आणि राज्यपालांनीही भाजपला आमंत्रण देऊन बी.एस. येडियुरप्पांचा शपथविधीही पार पाडला. पण काँग्रेसने सुप्रीम कोर्टात धाव घेऊन येडियुरप्पांचा डाव हाणून पाडला. आता उद्या संध्याकाळी 4 वाजता येडियुरप्पांना बहुमत चाचणी पास करावी लागणार आहे.

काँग्रेस आणि जेडीएसने आपले आमदार फुटू नये म्हणून हैदराबादला हलवले. आमदार फुटू नये म्हणून सर्व खबरदारी घेतली जात आहे. आता काँग्रेसने आक्रमक होत आॅपरेशन 'हात' सुरू केलंय. भाजपचे १० आमदार आपल्या संपर्कात असल्याचा दावा काँग्रेसने केलाय. भाजपला जशास तसं उत्तर देण्याची काँग्रेसने रणनिती आखली आहे.

बोपय्या निवडीवरुन भाजपमध्ये नाराजी

दरम्यान,  राज्यपाल वजुभाई वाला यांनी भाजपचे आमदार के.जी. बोपय्या यांची हंगामी अध्यक्ष म्हणून नियुक्ती केलीये. बोपय्या यांच्या निवडीवरून भाजपमध्ये मतभेद निर्माण झाले आहे.  येडियुरप्पा यांच्या निर्णयामुळे भाजपचे आमदार नाराज असल्याची सूत्रांनी माहिती दिलीये.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: May 18, 2018 06:46 PM IST
Loading...

ताज्या बातम्या

Loading...