शास्त्रीय संगीतातील तारा निखळला, पद्म भूषण पंडित राजन मिश्रा यांचं कोरोनाने निधन

नवी दिल्ली, 25 एप्रिल : पद्म भूषण पंडित राजन मिश्रा यांचं कोरोनामुळे रविवारी निधन झाल्याचं धक्कादायक वृत्त समोर आलं आहे. त्यांनी वयाच्या 70 व्या वर्षी दिल्लीतील रुग्णालयात त्यांनी शेवटाचा श्वास घेतला. रविवारी पंडित राजन मिश्रा यांना कोरोनाची लागण झाली होती, त्यानंतर हृदयासंबंधित त्रास होत असल्याने त्यांना दिल्लीतील एका रुग्णालयात दाखल करण्यात आलं होतं. मात्र डॉक्टरांच्या अथक प्रयत्नानंतरही त्यांचा जीव वाचविण्यात यश आला नाही.

कोण आहेत राजन मिश्रा

राजन मिश्रा भारतातील प्रसिद्ध शास्त्रीय गायक होते. त्यांना 2007 मध्ये भारत सरकारकडून कला क्षेत्रात पद्म भूषण पुरस्काराने सन्मानित करण्यात आलं होतं. ते बनारस घराण्याशी संबंधित आहे. त्यांनी 1978 मध्ये श्रीलंकात पहिला संगीत कार्यक्रम केला आणि त्यानंतर जर्मनी, फ्रांस, स्विर्त्झलँड, ऑस्ट्रिया, संयुक्त राज्य अमेरिका, ब्रिटेन, नेदरलँड, यूएसएसआर, सिंगापुर, कतार, बांग्लादेश सह जगभरातील अनेक देशात सादरीकरणं केली.

हे ही वाचा-RSS ने इंदूरमध्ये देशातलं दुसरं सर्वात मोठं कोविड सेंटर सुरू केलं, खरं आहे का?

शास्त्रीय गायन की दुनिया में अपनी अमिट छाप छोड़ने वाले पंडित राजन मिश्र जी के निधन से अत्यंत दुख पहुंचा है। बनारस घराने से जुड़े मिश्र जी का जाना कला और संगीत जगत के लिए एक अपूरणीय क्षति है। शोक की इस घड़ी में मेरी संवेदनाएं उनके परिजनों और प्रशंसकों के साथ हैं। ओम शांति!

— Narendra Modi (@narendramodi) April 25, 2021

राजन आणि साजन मिश्रा यांची जोडी होती प्रसिद्ध

राजन आणि साजन मिश्रा दोघे भाऊ होते आणि सोबतच कलेचं प्रदर्शन करीत होते. पंडित राजन आणि साजन मिश्रा यांचं माननं होतं की, मनुष्याचं शरीर पाच तत्वांनी तयार झालेलं आहे. तसंच संगीताचे सात सूर ‘सारेगामापाधानी’ पशू-पक्ष्यांच्या आवाजातून तयार झाले आहे.

राज्यपाल भगतसिंह कोश्यारी यांनी राजन - साजन मिश्र या प्रसिद्ध जोडीतील ज्येष्ठ शास्त्रीय गायक पद्मभूषण पंडित राजन मिश्र यांच्या निधनाबद्दल दुःख व्यक्त केले आहे. पंडित राजन मिश्र यांनी आपल्या व्यापक आणि वैविध्यपूर्ण योगदानामुळे हिंदुस्थानी शास्त्रीय संगीत समृद्ध केले. त्यांच्या निधनामुळे देश एका महान शास्त्रीय गायक, संशोधक व गुरुला मुकला आहे. त्यांच्या स्मृतींना भावपूर्ण श्रद्धांजली अर्पण करतो व आपल्या शोकसंवेदना त्यांच्या कुटुंबीयांना कळवतो, असे राज्यपालांनी आपल्या संदेशात म्हटले आहे.