काश्मीरमध्ये पाकच्या गोळीबारात धुळ्याचे जवान योगेश भदाणे शहीद

13 जानेवारी : जम्मू-काश्मीरच्या सीमेवर पुन्हा एकदा पाकिस्तानने शस्त्रसंधीचं उल्लंघन केलंय. सुंदरबनी सेक्टरमध्ये गोळीबारात धुळ्याचे जवान लान्सनायक योगेश मुरलीधर भदाणे शहीद झाले आहे.

शनिवारी सुंदरबनी सेक्टरमध्ये पाकिस्तानने भारतीय चौकीवर गोळीबार केला. भारतीय सैन्यानेही जशाच तसे उत्तर दिले. मात्र या गोळीबारात लान्सनायक योगेश मुरलीधर भदाणे जखमी झाले होते. त्यांना उपचारासाठी रुग्णालयात दाखल केले. पण उपचारादरम्यान त्यांचं निधन झालं.

28 वर्षीय लान्सनायक योगेश भदाणे हे धुळ्यातील खळाणे गावातील रहिवासी आहे. त्यांच्या पश्चात पत्नी आणि परिवार आहे. योगेश मुरलीधर भदाणे हे बहादुर सैनिक होते. देश त्यांच्या बलिदानाने कायम आभारी राहिली असं भारतीय लष्कराने पत्रकात म्हटलंय.