LIVE : 'भारताच्या इतिहासातला काळा दिवस' सोनियांची कडक शब्दांतली प्रतिक्रिया

मुंबई/नवी दिल्ली, 11 डिसेंबर : भाजप सरकारच्या दृष्टीने महत्त्वाकांक्षी विधेयक - Citizenship Amendment Bill (CAB) राज्यसभेत मांडण्यात येत आहे. त्यावर या वरीष्ठ सभागृहात चर्चा सुरू आहे. दुसरीकडे राज्यात मंत्रिमंडळाची बैठक होणार आहे. अद्याप खातेवाटप झालेलं नसल्याने ती उत्सुकता आहेच. त्यात भाजपमध्ये फूट पडणार, अशीही चर्चा सुरू आहे. दिवसभरात देशात आणि राज्यात घडत असलेल्या महत्त्वाच्या घडामोडींचे ताजे अपडेट्स इथे LIVE पाहा..

  • News18 Lokmat
  • | December 11, 2019, 21:07 IST |
    LAST UPDATED 3 YEARS AGO

    हाइलाइट्स

    21:4 (IST)

    भारतीय इतिहासातला काळा दिवस - सोनिया गांधी

    राज्यसभेत नागरिकत्व सुधारणा विधेयक मंजूर होत असतानाच काँग्रेसच्या वतीने निवेदन आलं. त्यामध्ये या विधेयकाचा कडक शब्दात निषेध करण्यात आला. भारतीय सांविधानिक इतिहासातला हा काळा दिवस असल्याचं सोनिया गांधींनी या निवेदनात म्हटलं आहे.

    काँग्रेस संसदीय पक्षाच्या वतीने हे निवेदन देण्यात आलं आहे. भारताची धर्मनिरपेक्ष प्रतिमा डागाळली जाणार आहे. भारताची सर्वसमावेशक प्रतिमा जाऊन त्याऐवजी दुभंगलेल्या, विस्कळीत आणि अशांत भारताची निर्मिती होणार आहे, असं या निवेदनात म्हटलं आहे.


    20:59 (IST)

    CAB मंजूर; सोनियांची कडक शब्दांतली प्रतिक्रिया

    भारतीय इतिहासातला काळा दिवस - काँग्रेस

    20:59 (IST)

    नागरिकत्व दुरुस्ती विधेयक राज्यसभेत संमत

     

    20:27 (IST)

    CAB विधेयकावरच्या मतदानाअगोदर शिवसेनेचा सभात्याग

    नागरिकत्व सुधारणा विधेयकावर राज्यसभेत मतदान सुरू आहे. लोकसभेत पाठिंबा देणाऱ्या शिवसेनेनं राज्यसभेत कुठल्याच बाजूने मत न देण्याचा निर्णय घेतला आहे. सेनेचे खासदार सभागृहात नाहीत.

    20:4 (IST)

    CAB -  नागरिकत्व दुरुस्ती विधेयक चिकित्सा समितीकडे जाणार नाही

    राज्यसभेत विधेयकावरच्या आक्षेपांवर मतदान सुरू

    लवकरच विधेयक संमत करण्याविषयी प्रस्ताव येईल आणि त्यावर मतदान होईल.

    19:5 (IST)

    LIVE अमित शाहांनी उल्लेख केला 'जिन्नाजी' आणि...

    राज्यसभेत नागरिकत्व सुधारणा विधेयकावर चर्चा सुरू असताना अमित शाहा यांनी विरोधकांच्या आक्षेपांना उत्तरं दिली. यादरम्यान त्यांनी पाकिस्तानचे पहिले अध्यक्ष बॅरिस्टर जिन्नांचा उल्लेख जिन्नाजी असा केला आणि राज्यसभेत गदारोळ उठला.

    "मी पार्लमेंटमध्ये उभा आहे आणि इथे भाषण करण्याची एक रीत आहे", असं म्हणत अमित शाहांनी भाषण सुरू ठेवलं. अमित शाहा म्हणाले, "सावरकरांनी द्विराष्ट्रवादाचं मूळ पेरलं असं काँग्रेसचं म्हणणं आहे. मी त्याचं खंडन इथे करणार नाही. पण साऱ्या देशाला माहिती आहे, फाळणी कुणामुळे झाली. बॅरिस्टर जिन्नाजींनी हा फाळणीचा प्रस्ताव ठेवला. पण तत्कालीन काँग्रेसने तो प्रस्ताव स्वीकारलाच का?"

    18:54 (IST)

    राज्यसभेतून अमित शाहा LIVE

    नागरिकत्व सुधारणा विधेयक घटनेविरोधात नाही 

    राजकारण करू नका - अमित शाहांचं विरोधकांना आवाहन

    18:49 (IST)

    'देशातल्या मुस्लिमांना या वेधयकापासून कोणताही धोका नाही'

    अमित शहा राज्यसभेतून LIVE

    कुठल्याही भारतीयाचं नागरिकत्व धोक्यात नाही.

    विधेयकात नागरिकत्व देण्याची तरतूद आहे. काढून घेण्याची नाही.

    भारतात अल्पसंख्याकांचा सन्मान होतो.

    18:43 (IST)

    नव्या वेधयकामुळे कलम 14 ला धोका नाही - अमित शाहा

    18:42 (IST)

    राज्यसभेतून LIVE अमित शहा

    फाळणी झाली नसली तर आज हे बिल आलंच नसतं

    मुस्लीम का नाही म्हणून प्रश्न विचारता, पण मुस्लीमबहुल देशात मुस्लिमांवर अत्याचार होण्याचं प्रमाण कमी असणार ना?

    मुंबई/नवी दिल्ली, 11 डिसेंबर : भाजप सरकारच्या दृष्टीने महत्त्वाकांक्षी विधेयक - Citizenship Amendment Bill (CAB) राज्यसभेत मांडण्यात येत आहे. त्यावर या वरीष्ठ सभागृहात चर्चा सुरू आहे. दुसरीकडे राज्यात मंत्रिमंडळाची बैठक होणार आहे. अद्याप खातेवाटप झालेलं नसल्याने ती उत्सुकता आहेच. त्यात भाजपमध्ये फूट पडणार, अशीही चर्चा सुरू आहे. दिवसभरात देशात आणि राज्यात घडत असलेल्या महत्त्वाच्या घडामोडींचे ताजे अपडेट्स इथे LIVE पाहा..