आसाममध्ये रेल्वेत स्फोट, 11 प्रवासी जखमी

आसामच्या उदलगुडी भागात ही घटना घडली आहे. आसाम -इंटरसिटी एक्सप्रेसमधील एका बोगीत हा स्फोट झाला आहे. पोलिसांनी दिलेल्या माहितीनुसार, संध्याकाळी 6.45 च्या सुमारास धावत्या रेल्वेत हा स्फोट झाला.

रेल्वे कर्मचाऱ्यांनी दिलेल्या माहितीनुसार, हरिसिंगा रेल्वे स्टेशनजवळ रात्री सात वाजून ४ मिनिटांनी कामाख्या-डेकारगांव इंटरसिटी एक्स्प्रेसच्या एका डब्यात स्फोट झाला.

या स्फोटात एकूण 11 प्रवासी जखमी झाले. एक प्रवासी गंभीर जखमी झाला आहे. जखमींना उपचारासाठी रुग्णालयात दाखल करण्यात आलं आहे.

Assam: Explosion inside Kamakhya-Dekargaon Intercity Express in Udalguri. 11 persons injured. pic.twitter.com/M61eRSkBnL

— ANI (@ANI) December 1, 2018

रेल्वेचे कर्मचारी आणि पोलीस अधिकारी गुवाहाटीवरुन जवळपास ९५ किलोमिटर दूर घटनास्थळी पोहोचले आहे.