किराणा दुकाना ब्लॅक कोब्रा करत होता उंदरांची पार्टी, उडाली एकच खळबळ, नेमकं काय घडलं?

अनुज गौतम, प्रतिनिधी

सागर, 27 मे : किराणा दुकानात 4 फूट लांबीचा काळा कोब्रा साप दिसल्याची घटना समोर आली आहे. यानंतर खळबळ उडाली. सापाला पाहताच कर्मचारी लगेच दुकानाबाहेर पोहोचले आणि दुकानात काळा साप आहे, अशा प्रकारे जोराने ओरडू लागला.

यानंतर दुकान मालकासह इतर कर्मचारीही तेथून बाहेर आले. तसेच भीतीमुळे कोणीही दुकानाच्या आत जाऊ शकले नाही, त्यानंतर सर्प पकडणाऱ्याला कळवण्यात आले, त्याने घटनास्थळी धाव घेत सुमारे अर्ध्या तासाच्या प्रयत्नानंतर सापाला पकडण्यात आले. यानंतर त्या सापाला एका डब्यात बंद करून सोबत नेले.

ही घटना सागर जिल्ह्यातील मक्रोनिया या उपनगरी भागातील आहे. नरसिंगपूर रोडवर असलेल्या मीट मार्केटजवळ किराणा दुकान आहे. या दुकानात हा काळा नाग दिसला. तरुण सर्प पकडणारा असद खान याने घटनास्थळ गाठून दुकानात ठेवलेल्या गव्हाच्या गोण्यांचा शोध घेतला असता तो एका कोपऱ्यात लपून बसला होता. त्याला पकडून बाहेर आणले असता, त्यावेळी कोब्रा सापाने उंदीर गिळला होता.

यादरम्यान काळ्या कोब्राला पाहण्यासाठी डझनभर लोक दुकानाबाहेर उभे होते. हे दृश्यही व्हिडिओमध्ये कैद झाले आहे. काही लोकांनी त्यांच्या मोबाईलवरून त्याचा व्हिडिओ बनवण्यास सुरुवात केली, त्यानंतर त्यांनी त्याला जंगलात सोडण्यासाठी प्लास्टिकच्या बॉक्समध्ये बंद केले.

असद खान यांनी सांगितले की, ब्लॅक कोब्रा हे मृत्यूचे दुसरे नाव आहे. त्याच्या चाव्यामुळे 99 टक्के मृत्यू होतात. कोणी नशीबवान असेल आणि तत्काळ उपचार मिळाले तरच तो वाचू शकतो, अन्यथा शाश्वती नाही. यासोबतच त्यांनी असेही सांगितले की, तीन-चार दिवसांपूर्वी या दुकानाशेजारील एका हॉटेलमध्येही असाच साप आढळून आला होता, त्यानंतर आम्ही हॉटेलमध्ये पोहोचलो, पण तोपर्यंत तो दृष्टीआड झाला होता. दरम्यान, यावेळी कोब्रा पकडल्यानंतर दुकानदार व इतरांनी सुटकेचा नि:श्वास सोडला.