'भाजपपासून माझ्या पतीच्या जिवाला धोका'; माजी मुख्यमंत्र्यांनी केलं ट्वीट

पाटणा, 20 एप्रिल : बिहारच्या माजी मुख्यमंत्री राबडीदेवी यांनी आपल्या पतीच्या जिवाला धोका असल्याचं ट्वीट करून खळबळ उडवून दिली आहे. लालूप्रसाद यादव चारा घोटाळ्याप्रकरणी शिक्षा भोगत आहेत. त्यांची प्रकृती ठीक नसल्याच्या कारणाने रुग्णालयात ते उपचार घेत आहेत. तिथे त्यांच्या जिवाला धोका असल्याचं राबडीदेवींचं म्हणणं आहे.

न्यायालयाने घालून दिलेल्या नियमाप्रमाणे लालूप्रसाद यांना भेटायला दर शनिवारी तीन व्यक्तींना परवानगी मिळू शकते, पण भाजपप्रणित सरकारच्या 'तानाशाही'मुळे त्यावरही बंदी घालण्यात आल्याचा राबडीदेवी यांनी दावा केला आहे.

बीजेपी सरकार ज़हर देकर अस्पताल में लालू जी को मारना चाहती है। परिवार के किसी भी सदस्य को महीनों से मिलने नहीं दिया जा रहा है। भारत सरकार पगला गया है। नियमों को दरकिनार कर उपचाराधीन लालू जी के साथ तानाशाही सलूक किया जा रहा है।बिहार की जनता सड़क पर उतर गयी तो अंजाम बहुत बुरा होगा। pic.twitter.com/p51SoWT7Hg

— Rabri Devi (@RabriDeviRJD) April 20, 2019

आपल्या मुलालाही वडिलांना भेटू दिलं जात नाही. ही विषारी माणसं लालूंविरोधात कट करत आहेत. त्यांच्या जिवाला धोका आहे, असं राबडीदेवी यांनी म्हटलं आहे.

Rabri Devi: Tejashwi went to meet Lalu ji today but wasn't allowed. Ppl of Bihar&Jharkhand will take to roads if anything happens to him.If state&Central govt want to kill him by poisoning, if they want to kill entire Lalu family,they can do that, but this dictatorship won't work pic.twitter.com/7iLGqYpRYV

— ANI (@ANI) April 20, 2019

राबडीदेवी यांनी कारागृहाच्या नोटिसबोर्डवर लावलेल्या सूचनेचा फोटोही ट्वीट केला आहे. कायदा आणि सुव्यवस्थेचा विचार करता 20 एप्रिलला लालूप्रसाद यादव यांना भेटता येणार नाही, असं या सूचनेमध्ये लिहिलं आहे.

First Published: Apr 20, 2019 08:36 PM IST