धक्कादायक! एक महिना सुरू असलेली कोरोनाविरुद्धची झुंज अपयशी, भाजप आमदाराचं निधन

उदयपूर, 30 नोव्हेंबर : रिकव्हरी रेट चांगला असला तरी कोरोनाचा संसर्ग अद्यापही कमी होण्याचं नाव घेत नाही. कोरोनाविरुद्ध सुरू असणारी भाजप आमदाराची झुंज अखेर अपयशी ठरले. उपचारादरम्यान भाजपच्या महिला आमदाराचा कोरोनामुळे मृत्यू झाला आहे. एक महिन्यापासून कोरोना संक्रमणाशी झुंज देत असलेल्या राजसमंदचे आमदार किरण माहेश्वरी यांनी रविवारी रात्री अखेरचा श्वास घेतला.

आमदार किरण यांच्यावर गुडगावच्या मेदांता रुग्णालयात उपचार सुरू होते. गेल्या अनेक दिवसांपासून त्यांची प्रकृती खालवली होती. त्यांचं उपचारादरम्यान राजस्थानमधील गुडगाव इथल्या रुग्णालयात निधन झालं आहे. आमदार किरण माहेश्वरी यांची 28 ऑक्टोबरला कोरोना टेस्ट पॉझिटिव्ह आली. त्यांना उदयपूर इथल्या गीतांजली रुग्णालयात उपचारासाठी दाखल करण्यात आलं होतं. मात्र त्यांची तब्येत आणखीन खालवल्यानंतर त्यांना मेदांता रुग्णालयात पुढील उपचारासाठी दाखल करण्यात आलं. तिथे गेल्या काही दिवसांपासून त्यांची प्रकृती अस्थिर असल्याचं डॉक्टरांनी देखील माहिती दिली होती.

BJP leader and MLA from Rajasthan's Rajsamand, Kiran Maheshwari passes away at Medanta Hospital in Haryana's Gurugram. She had tested positive for #COVID19 and was undergoing treatment at the hospital.

(Pic courtesy: Kiran Maheshwari's Twitter) pic.twitter.com/o8cNb8lyTS

— ANI (@ANI) November 30, 2020

Saddened to know of the untimely demise of BJP leader & Rajsamand MLA Kiran Maheshwari ji. My heartfelt condolences to her family members & supporters in this most difficult time. May God give them strength to bear this loss. May her soul rest in peace. #Rajasthan

— Ashok Gehlot (@ashokgehlot51) November 30, 2020

Pained by the untimely demise of Kiran Maheshwari Ji. Be it as MP, MLA or Cabinet Minister in the Rajasthan Government, she made numerous efforts to work towards the progress of the state and empower the poor as well as marginalised. Condolences to her family. Om Shanti: PM Modi

— PMO India (@PMOIndia) November 30, 2020

हे वाचा-बड्या नेत्यांनी कोरोनाविरोधात युद्ध जिंकलं; POST COVID COMPLICATION ने घेतला जीव

पंतप्रधान नरेंद्र मोदीपासून राजस्थानचे मुख्यमंत्री अशोक गहलोत यांनी आमदार किरण माहेश्वरी यांना ट्वीट करून श्रद्धांजली दिली आहे. मिळालेल्या माहितीनुसार किरण माहेश्वरी यांच्या पार्थिवावर सोमवारी उदयपूर इथे अंत्यसंस्कार होणार आहेत. राजसमंदच्या आमदार किरण माहेश्वरी यांच्या निधनाची माहिती मिळताच उदयपुरात शोकाकूल वातावरण आहे. वसुंधरा सरकार असताना किरण माहेश्वरी यांनी कॅबिनेट मंत्री म्हणून अनेक महत्त्वाच्या मंत्रालयांची जबाबदारी स्वीकारली होती.

27 नोव्हेंबरला शरद पवार यांच्या जवळचे मानले जाणारे नेते आणि राष्ट्रवादी काँग्रेसचे आमदार  भारत भालके (Bharat bhalke) यांनी कोरोनावर मात केली. मात्र कोरोना विषाणूमुळे फुफ्फुसात झालेला संसर्ग वाढला आणि गुंतागुंत निर्माण झाली. पोस्ट कोविड त्रासांमुळे त्यांची ऑक्सिजन पातळी खालावली आणि प्रकृती गंभीर झाल्यानं त्यांचा मृत्यू झाला.