LIVE : बिहारमध्ये NDAने विजयाचं निशाण फडकवल्यानंतर PM नरेंद्र मोदी यांची प्रतिक्रिया

अटीतटीच्या ठरलेल्या बिहार विधानसभा निवडणुकीत अखेर नितीश कुमार यांच्या नेतृत्वाखालील एनडीएने बाजी मारली आहे. एनडीएने बहुमताचा 122 हा जादुई आकडा पार केला आहे. यानंतर देशभरातून प्रतिक्रिया येत असून पंतप्रधान नरेंद्र मोदी यांनीही बिहार निवडणूक निकालाबाबत भाष्य केलं आहे.

'बिहारच्या प्रत्येक मतदाराने हे स्पष्ट केलं आहे की ते महत्त्वाकांक्षी आहेत आणि त्यांचं प्राधान्य फक्त आणि फक्त विकास हेच आहे. बिहारमध्ये 15 वर्षांनंतरही पुन्हा NDAच्या सुशासनाला आशीर्वाद मिळणं हेच दाखवतं की बिहारचे स्वप्न आणि अपेक्षा काय आहेत...,' असं म्हणत नरेंद्र मोदी यांनी निकालानंतर समाधान व्यक्त केलं आहे. 

बिहारमध्ये अखेर संपूर्ण चित्र स्पष्ट झालं असून एनडीएला स्पष्ट बहुमत मिळालं आहे. नितीश कुमार यांच्या नेतृत्वाखालील एनडीएने 122 जागांवर विजय मिळवला असून 3 जागांवर आघाडी घेतली आहे. तर तेजस्वी यादव यांच्या महाआघाडीला 110 जागा जिंकण्यात यश आलं. बिहारमध्ये इतरांच्या खात्यात 8 जागा पडल्या.

बिहार विधानसभा निवडणूक निकाल आता अंतिम टप्प्यात पोहोचला आहे. सध्या एनडीए 125 जागांवर तर महाआघाडी 110 जागांवर पुढे आहे. अद्याप मतांची मोजणी पूर्ण झालेली नसली तरीही नितीश कुमार यांच्या नेतृत्वाखालील एनडीएने निर्णायक आघाडी घेतली आहे. मात्र ही मतमोजणी सुरू असतानाच राष्ट्रीय जनता दल (RJD) ने एक गंभीर आरोप केला. कमी फरकाने निवडून येणाऱ्या जागांबाबत प्रशासनावर दबाव टाकण्यात येत आहे, असं आरजेडीकडून सांगण्यात येत आहे. त्यावर आता निवडणूक आयोगाने प्रतिक्रिया दिली आहे.
'ज्या मतदारसंघात दोन उमेदवारांमधील फरक कमी आहे, तिथं पुन्हा मतमोजणी शक्य आहे,' असं निवडणूक आयोगाकडून सांगण्यात आलं आहे. त्यामुळे आता बिहारमधील काही जागांवर पुन्हा मतमोजणी होणार का, हे पाहावं लागेल.

बिहारमध्ये NDA - महागठबंधन चुरशीच्या लढतीची 10 वाजताची स्थिती

निवडणूक आयोगाने जाहीर केलेले निकाल अद्याप कमी आहेत.

RJD चा नितीश कुमारांवर गंभीर आरोप

''महागठबंधन'चे उमेदवार जिंकत असलेल्या जागांवरचे निकाल मुद्दाम अडवून ठेवले जात आहेत. मुख्यमंत्री नितीश कुमार आणि सुशील मोदी अधिकाऱ्यांना फोन करून दबाव आणत आहेत. त्यामुळे विजयी उमेदवारांना सर्टिफिकेट्ससुद्धा मिळत नाहीत.' असे आरोप राष्ट्रीय जनता दलाने केले आहेत.

बिहारचा महासंग्राम अजूनही सुरूच. ही आहे रात्री 9 वाजेपर्यंतच्या निकालांची स्थिती

काटें की टक्कर; अजूनही सव्वा कोटी मतांची मोजणी बाकी

पासवान यांच्या LJP ने अखेर भोपळा फोडला; एका जागेवर विजय