Home /News /national /

भाजपकडून सत्तास्थापनेसाठी हालचाली सुरू? आसाम सरकारच्या मंत्र्यांनी तिसऱ्यांदा घेतली बंडखोर आमदारांची भेट

भाजपकडून सत्तास्थापनेसाठी हालचाली सुरू? आसाम सरकारच्या मंत्र्यांनी तिसऱ्यांदा घेतली बंडखोर आमदारांची भेट

Shivsena Rebel MLAs: आसाम सरकारच्या मंत्र्यांनी पक्षाविरोधात बंड करून गुवाहाटीमध्ये मुक्काम ठोकलेल्या महाराष्ट्र शिवसेनेच्या आमदारांची भेट घेतली. अशोक सिंघल आणि पियुष हजारिका यांनी रविवारी गुवाहाटी येथील एका आलिशान हॉटेलमध्ये थांबलेल्या महाराष्ट्रातील बंडखोर आमदारांची भेट घेतली. सूत्रांनी रविवारी ही माहिती दिली.

पुढे वाचा ...
    गुवाहाटी, 26 जून : महाराष्ट्रात सध्या मोठी राजकीय उलथापालथ सुरू आहे. शिवसेना नेते एकनाथ शिंदे (Eknath Shinde) यांच्यासह काही आमदारांनी बंडखोरी (Shivsena Rebel MLA) केल्याने ठाकरे सरकार धोक्यात आलं आहे. याच पार्श्वभूमीवर आसाम सरकारचे मंत्री अशोक सिंघल आणि पियुष हजारिका यांनी रविवारी गुवाहाटी येथील एका आलिशान हॉटेलमध्ये थांबलेल्या महाराष्ट्रातील बंडखोर आमदारांची भेट घेतली. एकनाथ शिंदे यांच्या नेतृत्वाखाली शिवसेनेचे नाराज आमदार येथे तळ ठोकून आहेत. सूत्रांनी रविवारी ही माहिती दिली. आसामचे गृहनिर्माण आणि नागरी व्यवहार मंत्री सिंघल यांनी गेल्या दोन दिवसांत तिसऱ्यांदा महाराष्ट्रातील बंडखोर आमदारांची भेट घेतली. शनिवारी त्यांनी दोन वेळा हॉटेलमध्ये जाऊन शिंदे व अन्य बंडखोर आमदारांशी चर्चा केली होती. दरम्यान, पुराचा आढावा घेऊन सिलचरहून परतलेले मुख्यमंत्री हिमंता बिस्वा सरमा हे हॉटेल रॅडिसन ब्लू असलेल्या राष्ट्रीय महामार्ग-37 च्या गोटानगर भागात काही मिनिटे थांबले. त्यांचा ताफा रस्त्याच्या पलीकडे रॅडिसन ब्ल्यू हॉटेलसमोर थांबला आणि हॉटेलच्या बंद गेटबाहेर रिपोर्टिंग करणाऱ्या पत्रकारांना अभिवादन केले. त्यानंतर ते तेथून निघून गेले. एका सूत्राने पीटीआयला सांगितले की, आसामचे संसदीय कामकाज मंत्री हजारिका सकाळी हॉटेलमध्ये गेले आणि तेथे सुमारे दोन तास थांबले. त्यांनी सांगितले की, “सिंघल सकाळी 11 च्या सुमारास हॉटेलमध्ये पोहोचले. सिंघल हॉटेलमध्ये जाण्यापूर्वीच हजारिका तेथून परतले होते.” सूत्रानुसार, हजारिका शिंदेंच्या बाजूने भेटत असताना त्यांचे काही सुरक्षा कर्मचारी बाहेर उभे होते. हजारिका हॉटेलमधून परतल्यानंतर सिंघल यांची एसयूव्ही सुरक्षा कर्मचार्‍यांसह हॉटेलमध्ये प्रवेश करताना दिसली. राज्यात राष्ट्रपती राजवट लागू होणार? शरद पवार म्हणतात.... बंडखोर आमदारांसोबत काय चर्चा झाली? सिंघल आणि हजारिका यांनी शिवसेना आणि महाराष्ट्रातील अपक्ष आमदारांशी काय चर्चा केली हे लगेच स्पष्ट झाले नाही, असे ते म्हणाले. या संपूर्ण घडामोडीची माहिती असलेल्या आणखी एका सूत्राने सांगितले की, सिंघल यांनी शनिवारी दुपारी आणि रात्री हॉटेलमध्ये जाऊन बंडखोर आमदारांची भेट घेतली. सिंघल यांच्याशी संपर्क साधला असता, त्यांनी शनिवारी दुपारी आणि रविवारी सकाळी हॉटेलला भेट दिल्याची पुष्टी केली. परंतु, तपशील शेअर करण्यास नकार दिला. शनिवारी रात्री हॉटेलमध्ये जाण्याचा उल्लेख त्यांनी केला नाही. मंत्र्याच्या एका जवळच्या सहाय्यकाने पीटीआयला सांगितले की, "सिंघल त्यांच्या ओळखीच्या आमदाराला भेटण्यासाठी तेथे गेले होते." या प्रकरणावर हजारिका यांच्याशी संपर्क होऊ शकला नाही. अवघ्या काही तासांपूर्वी महाराष्ट्रातील 16 बंडखोर आमदारांना अपात्रतेच्या नोटिसा देण्यात आल्याने ही बैठक महत्त्वाची आहे. प्रत्येक बाथरुममध्ये पाच पोलीस, शिवसेनेचे बंडखोर गुवाहाटीत कैदी झाले : आदित्य ठाकरे शिवसेनेचा एकेकाळचा मित्रपक्ष असलेल्या भाजपने महाराष्ट्रात सुरू असलेल्या राजकीय गोंधळात आपली भूमिका नाकारली आहे. 22 जून रोजी गुवाहाटी येथील लोकप्रिय गोपीनाथ बारडोलोई आंतरराष्ट्रीय विमानतळावर महाराष्ट्राच्या बंडखोर आमदारांचे स्वागत करण्यासाठी त्यांचे एक खासदार आणि एक आमदार पाठवूनही मुख्यमंत्री हिमंता बिस्वा सरमा यांनी दावा केला होता की बंडखोर आमदार स्वतः पाहुणे म्हणून आले होते. आसाम पोलिसांनी हॉटेलच्या सुरक्षेचा ताबा घेतला असून कोणालाही आवारात प्रवेश दिला जात नाही. महाराष्ट्र विधिमंडळ सचिवालयाने शनिवारी शिंदे यांच्यासह शिवसेनेच्या 16 बंडखोर आमदारांच्या अपात्रतेच्या अर्जावर नोटीस बजावली असून त्यांना 27 जूनच्या संध्याकाळपर्यंत लेखी उत्तरे देण्यास सांगितले आहे.
    Published by:Rahul Punde
    First published:

    पुढील बातम्या