'ये क्या बकवास है!' राहुल यांना दिलेल्या नोटिशीवर प्रियांका गांधी बरसल्या

'ये क्या बकवास है!' राहुल यांना दिलेल्या नोटिशीवर प्रियांका गांधी बरसल्या

राहुल गांधी तुम्ही भारतीय नागरिक असल्याचं सिद्ध करा, अशी गृहमंत्रालयने नोटीस पाठवल्यानंतर त्यावर बहीण प्रियांका गांधी आक्रमक झाल्या आहेत.

  • Share this:

दिल्ली, 30 एप्रिल :  राहुल गांधी तुम्ही भारतीय नागरिक असल्याचं सिद्ध करा, अशी गृहमंत्रालयने नोटीस पाठवल्यानंतर त्यावर बहीण प्रियांका गांधी आक्रमक झाल्या आहेत. 'ये क्या बकवास है, सारा देश राहुल भारतीय असल्याचं जाणतो', असं प्रियांका गांधी यांनी सुनावलं आहे.

"सारा देश राहुल गांधी भारतीय असल्याचं जाणतो. राहुलचा जन्म भारतातला आहे. इथेच तो वाढला आहे. त्याच्या नागरिकत्वावर प्रश्न उपस्थित करणं मूर्खपणाचं आहे," असं प्रियांका म्हणाल्या.

भाजप नेते सुब्रम्हण्यम स्वामी यांनी काँग्रेसचे अध्यक्ष राहुल गांधी यांना नागरिकत्वावर काही सवाल केले होते. त्यानंतर गृहमंत्रालयानं राहुल गांधी यांना नोटीस पाठवत तुम्ही भारताचे नागरिक आहात हे सिद्ध करा असं म्हटलं. सोमवारी सुब्रम्हण्यम स्वामी यांनी राहुल गांधी यांच्या नागरिकत्वाबद्दल आणि शैक्षणिक पात्रतेबद्दल सवाल केले होते. शिवाय, स्वामी यांनी गृहमंत्रालयाकडे तशी तक्रार देखील सादर केली होती. त्यानंतर आता गृहमंत्रालयानं राहुल गांधी यांना नोटीस पाठवली आहे. त्यामुळे राहुल गांधी यांना आता 15 दिवसांमध्ये उत्तर द्यावं लागणार आहे. राहुल गांधी हे ब्रिटनचे नागरिक असल्याचा दावा सुब्रम्हण्यम स्वामी यांनी आपल्या पत्रात केला आहे. 21 सप्टेंबर 2017 ते 29 एप्रिल 2019 या काळात सुब्रम्हण्यम स्वामी यांनी सतत गृहमंत्रालयाशी पत्रव्यवहार करत राहुल गांधी यांच्या नागरिकत्ववर प्रश्न विचारले आहेत.

नोटीसीवरून राजकारण नको

काँग्रेस अध्यक्ष राहुल गांधी यांना पाठवण्यात आलेल्या नोटीसीवरून कोणतंही राजकारण नको. ही एक साधी प्रक्रिया आहे असं केंद्रीय मंत्री मुक्तार अब्बास नक्वी यांनी म्हटलं आहे. निवडणुकीत उभा राहणारा प्रत्येक नागरिक हा भारतीय हवा. त्यामुळे जुना पक्ष असलेल्या काँग्रेस अध्यक्षांना याबद्दल कोणताही आक्षेप नसावा असं नक्वी यांनी म्हटलं आहे. तसंच राहुल गांधींविरोधात उपस्थित केले गेलेले प्रश्न हे गंभीर आहेत. त्यामुळे त्यांनी या सर्व गोष्टी राजकारणाशी जोडू नयेत असं देखील नक्वी यांनी म्हटलं आहे.

काय आहे स्वामींचा आरोप

2003मध्ये ब्रिटनमध्ये बँकऑप्स नावानं कंपनी रजिस्टर झाली. यामध्ये राहुल गांधी यांचं नाव आहे. तर, पत्ता 51, साऊथगेट स्ट्रिट, विंचेस्टर, हॅर्पशायर S023 9EH असल्याचं स्वामी यांनी म्हटलं आहे. 2006मध्ये जी रिटर्न फाईल करण्यात आली होती. त्यामध्ये राहुल गांधी ब्रिटनचे नागरिक आहेत असा उल्लेख असल्याचं सुब्रम्हण्यम स्वामी यांनी म्हटलं आहे.

VIDEO VIRAL: पोलीस वडिलांना थांबवणाऱ्या या चिमुकल्याला पाहून तुम्हीही व्हाल भावुक

First published: April 30, 2019, 2:40 PM IST

ताज्या बातम्या

corona virus btn
corona virus btn
Loading