राजस्थानमध्ये हवाई दलाचं मिग 27 विमान कोसळलं, पायलट सुरक्षित

राजस्थानमध्ये भारतीय हवाई दलाचं विमान कोसळलं

News18 Lokmat | Updated On: Mar 31, 2019 01:20 PM IST

राजस्थानमध्ये हवाई दलाचं मिग 27 विमान कोसळलं, पायलट सुरक्षित

जोधपूर, 31 मार्च : राजस्थानातील जोधपूरमध्ये भारतीय हवाई दलाचे मिग 27 हे विमान कोसळले. मिग 27 लढाऊ विमान नियमित मोहिमेवर होते. जोधपूर येथील एअरबेसवरून विमानाने उड्डाण केलं होतं. या विमानातील पायलट सुरक्षित आहे. त्याने प्रसंगावधान राखत विमानातून पॅराशूटच्या सहाय्याने उडी मारली.

याबाबत हवाई दलाच्या सूत्रांनी दिलेल्या माहितीनुसार, लढाऊ विमान दुपारी 12.30 च्या सुमारास कोसळले. राजस्थानातील सिरोही जिल्ह्यातील सीवगंज जवळ ही घटना घडली. विमान कोसळण्याचे कारण अद्याप समजू शकले नाही.



याआधी बिकानेर येथील शोभासर इथं भारतीय हवाई दलाचं मिग-21 हे लढाऊ विमान कोसळलं होतं. बिकानेर येथील नाल विमानतळाजवळ लढाऊ विमान कोसळलं होतं. त्यावेळी एक मोठा आवाज आला आणि धुर आल्याचं नागरिकांकडून सांगण्यात आलं होतं.

Loading...

VIDEO: 'आपला पंतप्रधान कोण?' उद्धव ठाकरे म्हणाले...

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Mar 31, 2019 12:59 PM IST
Loading...

ताज्या बातम्या

Loading...