यूपीमधील हाथरसनंतर बलरामपूरमध्ये दलित तरुणीवर सामूहिक बलात्कार, पीडितेचा मृत्यू

यूपीमधील हाथरसनंतर बलरामपूरमध्ये दलित तरुणीवर सामूहिक बलात्कार, पीडितेचा मृत्यू

बलरामपूरमध्येही सामूहिक बलात्कारानंतर नराधमांनी पीडितेचे पाय व कंबरेचे हाड मोडले. बुधवारी उपचारादरम्यान पीडित तरुणीचा मृत्यू झाला.

  • Share this:

बलरामपूर, 01 ऑक्टोबर : उत्तर प्रदेशच्या हाथरस सामूहिक बलात्कारानं (Hathras gang rape) संपूर्ण देशाला हादरून सोडलेलं असताना आता बलरामपूरमध्येही सामूहिक बलात्काराची धक्कादायक घटना घडली आहे. बलरामपूरमध्येही सामूहिक बलात्कारानंतर नराधमांनी पीडितेचे पाय व कंबरेचे हाड मोडले. बुधवारी उपचारादरम्यान पीडित तरुणीचा मृत्यू झाला. दरम्यान हाथरस पीडिताप्रमाणेच यूपी पोलिसांनी बलरामपूर पीडित तरुणीचेही रात्री अंत्यसंस्कार केले.

सामूहिक बलात्काराची शिकार झालेल्या या महाविद्यालयीन तरुणीच्या निधनानंतर बलरामपूरमध्ये खळबळ उडाली आहे. विद्यार्थ्याच्या भावाच्या तक्रारीवरून पोलिसांनी दोन नावाच्या व्यक्तींवर बलात्कार आणि खुनाचा गुन्हा दाखल केला आहे. ही घटना गांसडी कोतवाली परिसरातील माजौली गावची आहे. मंगळवारी पाचपेडवा येथील कॉलेजची फी भरण्यासाठी गेलेल्या तरुणीवर नराधमांनी बलात्कार केला.

याच दिवशी सायंकाळी 7 च्या सुमारास रिक्षाचालकाने पीडितेचला बेशुद्ध अवस्थेत तिच्या घराजवळ सोडले. दरम्यान, गंभीर जखमी झालेल्या तरुणीला रुग्णालयात घेऊन जात असतानाच वाटेतच तिचा मृत्यू झाला. कॉलेजमधून परतत असताना मुलीचे अपहरण करण्यात आले आणि गॅन्डी शहरातील एका खोलीत तिच्यावर सामूहिक बलात्कार करण्यात आल्याचा आरोप कुटुंबियांनी केला आहे.

वाचा-हाथरस प्रकरणी आदित्यनाथ यांनी केली SITची स्थापना, फास्ट ट्रॅक कोर्टात खटला

पीडितेच्या भावाच्या तक्रारीवरून पोलिसांनी दोन तरुणांना अटक केली आहे. गन्सडी मार्केटमध्ये ज्या खोलीत पीडितेवर अत्याचार करण्यात आले, त्या खोलीबाहेर पीडितेच्या चप्पला सापडल्या आहेत. ज्या रिक्षातून मुलीला घरी सोडण्यात आले, ती रिक्षासुद्धा सापडली आहे.

वाचा-हाथरस प्रकरणी पोलिसांची अरेरावी, कुटुंबियांशिवाय पीडितेवर केले अंत्यसंस्कार

उपचार करण्यास नकार

पोलिसांकडून मिळालेल्या माहितीनुसार, ज्या खोलीत पीडितेवर अत्याचार झाले ती जागा किराणा दुकानाची मागची बाजू आहे. तक्रारीनुसार किराणा दुकान चालवणारा माणूस हा या घटनेचा मुख्य सूत्रधार आहे. सामूहिक बलात्कारानंतर पीडितेची प्रकृती ढासळण्यास सुरुवात झाली तेव्हा नराधमांनी शेजारच्या एका वैयक्तिक डॉक्टरांना उपचारासाठी बोलावले, पण खोलीत एकाकी मुलगी पाहून डॉक्टरांनी उपचार करण्यास नकार दिला.

वाचा-यूपीतील अत्याचार प्रकरणानंतर आता कुठं आहेत रामदास आठवले? राऊतांनी फटकारलं

रात्रीत केले अंत्यसंस्कार

बलरामपूर एसपी देवरंजन वर्मा यांचे म्हणणे आहे की, गांसडी बाजारातील दोन मुलांनी पीडितेच्या उपचारांसाठी डॉक्टरांना बोलावले होते. त्याच दोन्ही मुलांनी पीडितेवर बलात्कार केला आणि तिची प्रकृती अधिकच खराब झाल्यावर तिला रिक्षातून घरी पाठवले. पीडितेच्या मेहुण्याविरूद्ध गुन्हा नोंदवून दोन्ही आरोपींना अटक करण्यात आली असून कायदेशीर कारवाई केली जात आहे. दरम्यान, शवविच्छेदनानंतर पीडितेचा मृतदेह तिच्या गावी पाठवण्यात आला. यावेळी मोठ्या प्रमाणात पोलीस बंदोबस्त तैनात करण्यात आला होता. रात्री उशिरा पीडितेवर अंत्यसंस्कार करण्यात आले.

Published by: Priyanka Gawde
First published: October 1, 2020, 8:47 AM IST
Tags: Rape

ताज्या बातम्या

corona virus btn
corona virus btn
Loading