भाजपच्या अंतर्गत बदलांना वेग; कोणाला मिळणार कुठलं पद?

भाजपच्या अंतर्गत बदलांना वेग; कोणाला मिळणार कुठलं पद?

भाजपच्या नव्या टीममध्ये मोठे बदल करण्यात येणार असल्याचे सांगितले जात आहे

  • Share this:

नवी दिल्ली, 10 जुलै : भाजपाचे राष्ट्रीय अध्यक्ष जेपी नड्डा (जे. पी. नड्डा) लवकरच आपली नवीन टीम जाहीर करणार आहेत. नवीन टीमविषयीची चर्चा अंतिम टप्प्यात आहे. सुत्रांनी दिलेल्या माहितीनुसार लवकरच नव्या टीमची घोषणा केली जाईल. माहितीनुसार जेपी नड्डा यांच्या टीममध्ये नवीन आणि जुन्या नेत्यांचे मिश्रण दिसू शकते.

अनुभवी नेत्यांना संघात प्राधान्य दिलं जाईल, तर तरुण चेहऱ्यांनाही टीममध्ये संधी मिळू शकते.

संसदीय मंडळ

संसदीय मंडळ ही भाजपची सर्वात मोठी निर्णय घेणारी समिती आहे. या संसदीय मंडळामध्ये सध्या 4 जागा रिक्त आहेत. व्यंकय्या नायडू उपराष्ट्रपती झाल्यामुळे आणि अरुण जेटली, सुषमा स्वराज आणि अनंत कुमार यांच्या अकाली निधनामुळे संसदीय मंडळामधील जागा रिक्त आहेत. सध्या पंतप्रधान नरेंद्र मोदींशिवाय संसदीय मंडळाकडे पक्षाचे जेपी नड्डा, अमित शहा, राजनाथ सिंह, नितीन गडकरी, थावरचंद गहलोत, शिवराज सिंह आणि बीएल संतोष आहेत.

पक्ष आपल्या वरिष्ठ नेत्यांना संसदीय मंडळात स्थान देते. संसदीय मंडळाच्या अग्रणी असलेल्या नेत्यांमध्ये अर्थमंत्री निर्मला सीतारमण, बिहारचे उपमुख्यमंत्री सुशील मोदी, धर्मेंद्र प्रधान, भूपेंद्र यादव आणि देवेंद्र फडणवीस यांचा समावेश आहे. अंतिम निर्णय जेपी नड्डा यांना घ्यावा लागेल.

हे वाचा-Explainer : चीनचा मोठा प्लान; भूतानशी सीमा वाद, मात्र भारत लक्ष्य

संसदीय मंडळानंतर भाजपामधील सर्वात महत्त्वाचे पद सरचिटणीस पदाचे आहे. सध्या राम माधव, भूपेंद्र यादव, अरुण सिंह, सरोज पांडे, कैलास विजयवर्गीय, मुरलीधर राव आणि अरुण जैन हे पक्षाचे सरचिटणीस आहेत. नव्या संघात दोन ते तीन नवीन चेहरे सरचिटणीस बनू शकतात. सुत्रांनी दिलेल्या माहितीनुसार  सरचिटणीसपदासाठी सुनील देवधर, मंगल पांडे आणि तरुण चुग आघाडीवर आहेत.

पक्षाची मीडिया टीम ही पक्षाची कणा असल्याचे म्हटले जाते. अशा परिस्थितीत पक्षाध्यक्ष जेपी नड्डा एक सशक्त मीडिया टीम तयार करतील. प्रवक्त्यांच्या कार्यसंघाला अधिक बळकट करण्यासाठी काही तरुण आणि वेगवान मीडिया पॅनेलचा सदस्य प्रवक्ते म्हणून नियुक्त केले जाऊ शकतात. प्रवक्ता बनण्यात जफर इस्लाम, केके शर्मा, रोहित चहल अशी नावे आघाडीवर आहेत.

इतर काही पदांमध्ये बदल होऊ शकतात

पक्षाचे सचिव, उपाध्यक्ष आणि कार्यकारिणीतही मोठे बदल होण्याची शक्यता आहे. सूत्रांच्या माहितीनुसार मोदी सरकारचे काही अनुभवी मंत्री संघटनेत पाठविण्याची तयारी आहे, ज्यांना पक्षाच्या मोठ्या पदांवर स्थान देण्यात येईल. या सर्वां व्यतिरिक्त पक्षाचे खासदार मनोज तिवारी, प्रवेश वर्मा, तेजस्वी सूर्य, लडाखचे खासदार जामयांग सरिंग नामग्याल यांनाही पक्षाच्या मोठ्या पदावर ठेवण्यात येणार आहे.

Published by: Meenal Gangurde
First published: July 10, 2020, 8:14 PM IST

ताज्या बातम्या

corona virus btn
corona virus btn
Loading